بليز (Please)
 

سمعت بيت قاله أحد الأشخاص عندما رأى إمرأة أجنبية... أعجبني هذا البيت وحاولت أن أضيف بعض الأبيات من باب التسلية ... والبيت يقول :-

"بليز" "قـڤ" "مي" من شفايفك قرطوع ## "بِكوز" أبى أشفي علةٍ داخلية

وقلت على ساقتها الأبيات التالية:-
"بليز متش بليز" يرحم هل الطوع ### اللي تطاوعني على كلّ شيّـه
"ياقيرل" ماني مثلهم غير أنا طبوع ### "بليز قـڤ مي فييس ولُـكّي" عليّـه
"ياقيرل" حبك لاعني فالحشا لوع ### لوعة مولّع بالقنص والرميّـه
"ياقيرل" حبك داخل القلب مزروع ### ما عاد أبى أبحث عن سعاد وسميّـه
في وسط "فييسك" شفت أنا "آيز" مصنوع ### من شان يذبح خافقي بالرميّـه
يا أم العيون الزرق تكفين قرطوع ### وألا ابتسامه لا لفيتي الحويّـه
"آي لـڤ" شوفة ضحكتك شوف مشروع ### ماهو محـرّم شوفتك ياعنيّـه
"ياقيرل لوكي" ناظري صرت جربوع ### "ماي هارت" أنا "ياقيرل" يقلب عليّـه
"لـڤِك" لففني لفَّـت اليد للكوع ### وقمت أتهبد ضايعن فالبريّـه
لو كان حبك ينشرى صرت مبيوع ### كلّي لأجل كلك وحبك بليّـه
"ستو?" لحظة الغزل فيك ممنوع ### مادام دينك غير ديني ياخيّـه
مير آمني واستامني جاك مربوع ### ياخذ بيدك للجنان العليّـه
أنا أشهد إني قمت بالحيل مفزوع ### وأنا أحمد الله حلم مابه خطيّـه
في ديننا يا بنت ذا الشرّ مقلوع ### ما ينلعب بالعِرض هذي دنيّـه
ذا شرعنا يابنت ماهو بموضوع ### ماهو على كيف العرب يااعجميّـه
خمسٍ ضروري حفظها حفظ مقطوع ### في شرعنا كل الخلايق سويّـه
قالت علامك كنك اليوم مصروع ### وين الغزل وين العلوم الطريّـه
قلت الحقيقه ماتجي لك على الطوع ### من طاوع الشيطان ماله هديّـه
يارب تهدينا بعد فترة الجوع ### يوم الذيابه مع هذيك وهذيّـه
واختامها صلوا على اللي له اشموع ### في قلب مومن ماعرف عاشقيّـه

#شرح المفردات#
بليز = لو سمحتي
قف مي = عطيني
بكوز = من شان
ياقيرل = يابنت
فييس = وجه
لوكي = عايني ناظري
آيز = عيون
آي لف = أنا أحب
ماي هارت = قلبي
ستوب = أوقفي , قفي

الأخوة الأعزاء( الدلبحي والفراهيدي) شكرا على مروركم ... وتسلمون من الأعماق... وأنا امتلهف على قصايدكم.

بوزيد
صح السانك

شكلك بتصك على خلف هذال بالإنكليزي

تحاااااااااااااياااااااااااااااااي

ياعيني عليك يابو زيد

صح لسانك مليون ياليب

قصيدة رائعة

لاهنت يالغالي

تحياتي

الأخ الغالي فهد الشيباني .. صح بدنك طال عمرك.. ومشكور على المرور وإعادة كتابة القصيدة بشكل أحلى.. أنا فالحقيقة غشيم فالكمبيوتر يالله كتبت القصيدة بهذا الشكل ... لكن طريقتك أجمل وأرقى .. هل بالإمكان تعلمني واشلون إخراج القصيدة بالشكل هذا... ولك مني جزيل الشكر...

الأخ الغالي ولد عوجان الجذع.. صح بدنك طال عمرك .... وشكرا على المرور... تحااااااااااااااياااااااي...