خافي الظمير/فارس الصوينع
 

السلام عليكم ورحمة الله وبركاته

ادعكم مع الابيات المتواضعه لعلها تحوز على الرضا


انا مادريت اني مع الوقت راسي شاب
وعيني من الايام تهمل عبايرها
اثره الزمن لادار لاعمارنا طلاب
يدور وحبال العمر لادار قصرها

ونا ماهقيت اني مع الليل ظني خاب
به الناس هجاع ٍ وعيني يسهرها
بيوت الشعر تاتي من الخاطر المنصاب
ليا ولعت نار الهواجيس اسامرها

فلا لي فـبدع الشعر مقصد ولا كساب
ولا عندي ابيات ٍ في الاعلام ناشرها
ولكن في صدري من الوقت طعن حراب
ومثلي رجال ٍ باح ما في ضمايرها

اسج الرجل لاضقت واعدي المرقاب
واجر العوى بابيات شعري واصورها
ونا قد كسبت اصحاب وكثره خسرت اصحاب
وناس ٍ تجي وتروح باللي فـ خاطرها

قطعت الخرايم بالقسى والظروف صعاب
ومن رام للنفس المعزه يصبرها
وهذا الزمان الشين لاخذ يحد الناب
ويحد الفتى لإلعوبةٍ له يغامرها

ونا طيب ٍ ساسي لياجت على الانساب
افاخر بربعً لي للامجاد ذاخرها
وإلا ضاقت الدنيا توجهت للمحراب
رجيت الولي روحي بالايمان يغمرها

وانوخ إركابي عند باب العفو تواب
ولو كثرت ذنوبي عسى الله يغفرها
وربي فتح بينه وبين المناجي باب
ليامن شكا من قلة الحيل دبرها

ويبشر بفزعة من إيسبب له الاسباب
بمزن ٍ من المنشى لياراد سيرها

تحيتي..
فارس بن طلق الصوينع

,,

صح لسااانكـــ


قناص القوافي اسم على مسمى

ننتظر جديدك.


,,,,,

صح بدنك يالغالي
شهادتك اعتز فيها
تحيتي

صح بدنك يالغالي

تحيتي

صح بدنك يالغالي ولاهنت
اتشرف بإطرائك يابو سعد
تحيتي

قناص القوافي

صح لسااااااااااااااااااااااااااانك مليون

قصيدة جزله من شاعرٍ جزل

تمنياتي لك بالتوفيق والاستمرار


تقبل مروري مع خالص تحياتي

عبدالله سعيد صح بدنك ولاهنت
اشكرلك الاطراء الجميل ومرورك الرائع
تحيتي لك