من ثبيت اهل الوفاء في قرية السيل الكبير=نرفع آيات التهاني للصواريم الحرار
ياعساكم كل حج وكل عام بألف خير=والوطن واهل الوطن في ظلكم بأمن وقرار
ياضيوف البيت لا تخشون برد ولا هجير=لبكوا بأمان واهنوا بالسكينة والوقار
في ذرا الله ثم ابو متعب مجير المستجير=خادم البيتين سلطان العرب سر وجهار
ولا تخافون المشاكل دام يحماكم وزير=في سماكم مايعرف النوم ليل ولا نهار
نايف اللي من شجاعته المصائب تستخير=للمشاكل والمصائب مثل قصاف العمار
دون حد المملكة فعله كما السيف الشطير=شوف كيف اسمه ورسمه وسط رايتنا شعار
ياولي العهد لك بيعاتنا شيخ وصغير=نشهد انك كفو وان اخوك اصاب الاختيار
مالها غيرك زعيم ولا معك فيها خشير=انت كامل فالوصوف ولاغطى شمسك غبار
لك ولانا دامنا في هاذي الدنيا نسير=والك كل اصلابنا من بعدنا طايع وبار
لا تحسب انك لحالك دون هالبيت الشهير=كلنا من دونك ودون الوطن نقدح وشرار
من خبر بيت يخدمه قائد وشعب وامير=غير بيت الله لعله من عمار وفي عمار
ياوطنا لو يصير الوضع من حولك سعير=ماينوشك دامتك لضيوف خلاقك مزار
لاجل حكام بنوا نهضتك من حد الحصير=لين صرت اعظم بلد واروع مثل للازدهار
ولاجل فيك من الوفاء واهل الوفاء خير كثير=وشعبك المطنوخ منك وفيك ماهو مستعار
وكل عام وانت يالشعب السعودي بالف خير=في ذرا الله ثم في ظل الصواريم الحرار

المشاركة الأصلية كتبت بواسطة سـعـد العصيمي (المشاركة 1239304) صح لسانك ولاهنت كل عام وانت بخير اخوك

المشاركة الأصلية كتبت بواسطة عيضه الثبيتي (المشاركة 1239307) عبّرت عمّا في النفوس صح لسانك وآدم الله عز بلادي

المشاركة الأصلية كتبت بواسطة محمد الذيابـــي (المشاركة 1239316) ,, صح لسانك ملايين يافواز الثبيتي والله يحفظ لنا أئمتنا وألاة امورنا ,,,,,