لايازمان الفلسفه والتعاجيب=لايازمانن قيْس ا به طول الاحرار
وأشب القصير فيك ماله تراحيب=وانا قصير الطول لكن وش صار
هذه من اللي خالق الشمخ النيب= ولله في خلقه شؤون وتدبار
لكن يد الرجل يده وش تجيب=وكلن وله فعله ولا فيه معذار
ودي اناقش معك وبدون تعصيب=يامفتخر بالطول وفعولك صغار
اسمع كلامي ياقليل التجاريب=ياعايبن قصري ويدينك قصار
ماهمني قصري ولا زادبي شيب=عزي معي والعز من حد بتار
لزومي اسده واعز الاصاحيب=افنى وانا مامد لاطيب يسار
وماترك خويي فالليال اللواهيب=ومكرمن ضيفي وبضيف ماحتار
وبرجلي اطلع فوق رؤوس المراقيب=لادافي المرقد ولا ميت النار
ورزقي معى رب الملاء عالم الغيب=لوكان طولي مايجي خمسة اشبار
القصر يأهل الطول لاماهو بعيب=هذا وبعض العالم يحسبه عار
العيب يأهل العقل من يجهل الطيب=والعيب عيب الي جحد جيرة الجار
والعيب عيب الي قصر فالمواجيب=سويد وجهن ممتلي وجهه غبار
والعيب للي في للوازيمه يغيب=ولو كان طوله واصلن عشرة امتار
والعيب للي ينفض لضيفه الجيب=والضيف له شيمه وقيمه ومقدار
ياجاهلين العيب هذا هو العيب=والطول طول الدرب في مد الانظار
هذا الذي عندي وقلته بترتيب=والخير خص ابه المطاليق الاحرار
ومابين قوس وقوس حمرن مشاهيب=بيتن تبقى بينها يصطلي حااار
طوووول الزرافه ماحماها من الذيب=لن شافته تنخش مابين الاشجار

المشاركة الأصلية كتبت بواسطة أخو جوزا (المشاركة 1238958) صح لســــــــــانك ياالجعيد

المشاركة الأصلية كتبت بواسطة محمد الذيابـــي (المشاركة 1238971) ,, صح لسان شاعرنا الغائب الحاضر محمد@الجعيد حضورك الشعري رائع كما عودتنا ننتظر جديدك ,,,,,

المشاركة الأصلية كتبت بواسطة عبدالله سعيد الجعيد (المشاركة 1240344) صح لسانك يابن معيوض على هذه الجزلة

المشاركة الأصلية كتبت بواسطة عايض مثقاب الزراقي (المشاركة 1240350) محمد الجعيد صح لسانك تقبل مروري