سلموا لي على اللي سـم حالـي فراقـه = حسبي الله على اللي حـال بينـي وبينـه
قـايـد الـريــم تـاخـذنـي عـلـيـه الـشـفـاقه = ليتنـي طـول عـمـري خـاتـم فــى يميـنـه
أه وا قـلـبـي الـلــي راح مـنــي سـراقــه = تــل حـبـل الـمـوده وانقـطـع فــى يميـنـه
بالهـوى طـاح مـا بالـراس عقـب الحمـاقـه = اتـشـهـد واسـمــي لا خــزرنــي بـعـيـنـه
والردايف تشيـل الثـوب عـن حجـل ساقـه = مثـل بـرق تكاشـف لا كشـف عـن جبيـنـه
زامــيــات نــهـــوده يـــــوم زرر شـبــاقــه = مـثــل خـــوخ مـخــدد تـوهــم قاطـفـيـنـه
لا ذكـرت الليالـي اللـي مضـت والـصـداقه = عـود القلـب يرجـف مثـل رجــف المكيـنـه
عقب ما هـو نديمـي صـار شوفـه شفاقـه = الله اقوى على اللى عشر واربع سنينه
اشتهـى عشرتـي وانـا عشقتـه عشـاقـه = فـى زمـان مضـى والـيـوم ويـنـي و ويـنـه