افكار هاجوسي لفني معازيم=صخرت منها كايدات القوافي
للي بعاده حطم القلب تحطيم=وليا شكيت الحال قالوا عوافي
يا ناعس الطرفين يا قايد الريم=لا تحسبني يوم صديت جافي
انا بدونك عايش الهم والضيم=اضحك و همي داخل القلب خافي
عزفت لك باوتار قلبي تقاسيم=واطربت روحك باللحون الرهافي
وابيع روحي في محبتك واهيم=والستر من بين المحبين ضافي
امرار اشد ومر في دارك مقيم=ادعس على الأشواك والرجل حافي
واليوم تصدر لك عليه تعاميم=ظلمتني وتقول مانته بوافي
خلطت من ظلمك جميع المفاهيم=حتى السمان اضحت بعيني عجافي
صحيح ياما فالسجن من مظاليم=والله واعلم لو تبان الخوافي
انا ادري ان الوقت كله مقاسيم=يصفي وبعض احيان ماهو بصافي
لو ينكشف جرحي غزته الجراثيم=ولو تنعمي عيني غدى الكون طافي
الصبر طيب والليالي مقاديم=الخير قدامي و همي خلافي

المشاركة الأصلية كتبت بواسطة سـعـد العصيمي (المشاركة 1237317) سلمت ودمت صح لسانك ولاهنت تقديري

المشاركة الأصلية كتبت بواسطة محمد الذيابـــي (المشاركة 1237319) ,, صح لسان شاعرنا الراااائع مشعل جويبر الجعيد قصيدة راااائعه وشامخه من شموخ شاعرها لا هنت يالغالي. ,,,,,,

المشاركة الأصلية كتبت بواسطة قـنـاص الـقـوافي (المشاركة 1237338) الله الله لو ينكشـف جرحـي غزتـه الجراثيـم ولو تنعمي عيني غدى الكون طافي صح لسانك ولاهنت تحيتي

صح السانك

يابو جويبر

ولاهنت على هـ الشامخه

من شموخ صاحبها