خذ راحتك ياحبيب القلب باللي تشوف = ماغير انا وانت والقمرا وليل الظلام = من بعد ماوافقت معك الصدف والظروف = اهرج وسدل على الكتفين ريش النعام = افهق طرف ليله الاسمر براح الكفوف = عن غرة الصبح وملامع بروق الغمام = وارفع حدود الكلافه مابها من كلوف = خل الحكي يدخل بجو الغلا والغرام =يالين ينساب مابين الجمل والحروف = واقول هذا الكلام اللي عليه الكلام =اطعن برمش العين السود طعن السيوف =وامزح معي واشطح بمزحك بشرقن وشام = لوضاق نجد الوسيع من السلم للهفوف =راع الهوى بالهوى ماضاق فيه المقام