يامرحبا عند شيخا يكرم اضيوفه=شيخا ولد شيخ يحما كل ميقافي
مناحي ولد جدي دايم تندي اكفوفه=بالطيب بحرا ماهزه كل مغرافي
من جده ازريب ينصى القوم بسيوفه=راعي الشجاعه وراع ماقفا وافي

في محل مناحي انجات الصمايل= المكارم مكسبه ماهي غريبه
من شيوخن لاطمين ألكل عايل= واحدن منهم يكفي عن كتيبه
مرحبا عداد همال المخايل= يازعيم المجد حلال الصعيبه
يافهد ياكاسبن كل الخصايل=شيخنا اللي دايمن نفخر بطيبه
شيختك بفعال ماهو قيل قايل=من جدودك لاعتزو فوق النجيبه
خوتك ضلن عن شموس القوايل=مالحقنا بخوتك شكه وريبه
ألك ميقافن يكفي عن قبايل= ماقفك بالنصر ماهو باالغليبه
مرحبا عداد همال المخايل= يازعيم المجد حلال الصعيبه

في كل عام زيارتك حسب الوعد= توعد وتافي ياعسا امثالك كثير
يامرحبا عد والورود مع الشهد = الطايفي والورد والمسك العبير
يامرحبا يامحافظ الطائف فهد= ترحيبتن بسم مناحي يالامير
علا دلال الكيف ياطير السعد=والعود الازرق والشحم قدرك كبير
القدر وسط الصدر واليوم الاحد=اقول مثل العيد هذا اليوم خير
ماهي غريبه منك ياشبل الاسد=من اسرتن تاريخها المجد الشهير
ابن معمر ناصر الدين وسند= امع الامام وكنه السيف الشطير
اهل العيينه طيبهم غير وشهد= شاد الامام بطيبهم ويقول غير
اهل المواقف بالوطن مثل العمد= في حاضر الدنيا وماضيها المسير
والدين معه العلم والحكمه بعد=كل الخصال الطيبه مجدن ينير
نسل تميم اللي يفكون العقد=اشد الامه للدجال الي خطير
واختامها صلو بلا عد وعدد=علا شفيع الخلق في يوم المصير
من شاعرن غنا وبلحانه نشد= يقولها العوني وشاعر من مطير