الهيـــــــــــــلا *** منتدى قبيلة عتيبة - ياطول ليـل الفراق وياكبر جوره ... أيامنا غيـّرت .. حتى طبايعنا

السلآم عليكم ورحمة الله وبركآته

مسآكم . صبآحكم } شعرر

رآئعه من روآئع الشآعر / محمد البطحي الديحآني

أتمنى تنآل الاعجآب }

.
.
.

ياطول ليـل الفراق وياكبر جوره
أيامنا غيـّرت .. حتى طبايعنا
*
في يوم غابت نجومه وانطفى نوره
مدري وش اللي حصل ! لكن توادعنا
*
لو تدمع العين من فرقـاك معذوره
الدمع وش قيمته .. لولا مدامعنا ؟
*
القلب مشتاقلك .. والنفس مقهوره
صحيح بعض المواقف مالها معنا
*
أحلامنا من هذاك اليوم .. مكسوره
وظروفنا للمواصـل .. ماتشجعنا
*
سود الليالي خذت منـّا .. ومشكوره
أحلامنا .. والغلا .. واللي بقى معنا
*
اليوم أنا شاعر ٍ ماحس بـ شعوره
ماهمّه ألا البعاد .. اللي ملوعنا
*
انا معك .. وأجمل اللحظات مذكوره
أيـام كانت .. محبتنا .. دوافعنا
*
شفني وشوف المشاعر كيف مجبوره
أدوّر الفرصه .. اللي معك تجمعنا
*
غلاك للحين .. ماهز الجفا .. سوره
ليله من الذكريات .. ومن مواجعنا
*
اللي خذاني معك بالصوت والصوره
إن كان يقدر يرجعنا ... يرجعنا
*
لو كان لك قلب مثل الصبح وزهوره
ما ضاق حلم الليالي .. في شوارعنا

مودتي