الهيـــــــــــــلا *** منتدى قبيلة عتيبة - قصيدة من والدة فيصل فهيد الرويلي المحكوم عليه بالقصاص موجهة لخادم الحرمين الشريفين

بأسم الذي يلتجي له العبد لاضاق==اللي من النيران نجى خليلــــــــــــــــه

جالي ظلام الليل في صبح واشراق== مرسل نبيه بالهدى والفضـــــــــيله

اللي شفا من هو سكن وسط الاعماق == القايد اللي ماندور بديلـــــــــــه

قادر يفرجـــــــــها لضنيني بالاعتاق==ياسيدي أزريت حملي أشـــــــــــــيله

راحت ثلاث سنين أو زود بفراق== دمعي جرح خدي ونفســـــــــــــي عليله

جيتك بهم(ن) بين الاضلاع مايطاق== أرجي وحيدي كل يوم(ن) وليلــــــــــــه

وأربع خوات(ن) دمعهن وسط الامواق==يرجن لعل الله يخلي ســـــــــــــبيله

حكمه قصاص موثق بصك وأوراق == والعفو شرطه معجــــــــــــزه مستحيله

عشرين مليون(ن) لجل فك الاعناق== وحدد لها بالشـــــــرع مهله قليلــــــــه

منها مضى ثلثين من قل ألاوفاق== ومنها بقى ثلث (ن) بليا حصيلــــــــــــــــه

شكواي لله ثم شكواي تنساق== لدليل من ضيع هـــــــــداه ودليلــــــــــــــــه

ال السعود اللي رقوا كل شوهاق==عيال الامام اللي عرف بالفضيلــــــــــــه

مزبان من صابه من الوقت حراق== غيث(ن) مغيث(ن) ضافي(ن) في هميله

ياسيدي خيرك شمل شام واعراق== وأقصى بقاع الارض برقه تخيلـــــــــــــه

نظرة أبوه منك في عطف واشفاق== ولاهي غريبه من الكفوف الجزيلــــــــــه

يامعتصم عصرك ترى الوقت بي ضاق== ماحد(ن) نصاك وعاد نفسه ذليلــــــــــه

قل تم وأنت اللي لها دوم ســــــــــباق == من دومة الجندل نصتك الدخيلــــــــــــه