سفر الدغيلبي وفهد العازمي قويه
 

محاوره رائعه اعجبتني بين شعراء كبار مثل ابوسعد وابوريان والمعنى واضح وضوح الشمس وكان يتكرر كثيرا بين حبيب وملفي





سفر

سلام ومعايده ياربعنا الطيبين --- اللي ديركم يشوش الراس من شوفها


وش موقع العازمي بين الخوان الثنين --- ولوف كبده من اللي صار ولوفها


فهد

ترحيب ومعايده عدتو مع العايدين --- قدمك رجال ن تصب الهيل لضيوفها


اخواني اللي على يسراي واللي يمين --- ياربعنا اللي يلين القلب لظروفها


سفر

تحل بالصبر دام الله مع الصابرين --- لعل نفسك تطيب وتبرد حسوفها


ربعك تناديك بالاصوات مير انت وين --- تترك شداد الذلول وتمسك ردوفها


فهد

المسلم اللي يسئل الله مع المسلمين --- لاطاشت النفس يردعها على حسوفها


الباب دونك مسكر يوم ازورك منين --- في غرفة ن مايبل الحلق مصروفها


سفر

يامدور اللين ما اخبر العتيبي يلين --- افزع بسيفك مع العتبان وسيوفها


اعمى عيونك يابن عاصي بليس اللعين --- ساحرك بكتابة ن ماتعرف حروفها


فهد

سيفي مجرب قبل تطلع بعدة سنين --- واليوم دنياك خير وشبعت ضعوفها


لا والله الا على قيمه وسمن وسمين --- يوم التهم قيدت رجلك بمعروفها





بالصوت والصوره


http://www.youtube.com/watch?v=SDx07AfWjdQ

قاف رائع

لاهنت يالغالي...

واعتقد ان سفر يناقش فهد عن حضوره القليل ومكانته بين الشعار والسمي يقول انا موجود وسابقينك في الميادين ولكن الساحة من كثر الخيرات فيها شبع حتى المفلسين والله اعلم

ترى المحاورة فتل ونقض ماهي مصارعة :)

عموما الف شكر يا محمد

ماقصرت

طارووووق رائع بمعنى الكلمه


بس اخوي المر العذب انا اقولك اذ بينك وبين سفر شي خله بينكم


مهوب كل محاوره لسفر تدخل وتسب وتحاول تقلل من شاعرية العملاق الدغيلبي


وشكرا للمرشدي على النقل الرائع

ما اعجبني بصراحه بيت فهد الاخير



لكن اعتقد ان فهد سيكون تبريره لهذا البيت هو

يدين الناس دون حلوقها

,,


لا هنت يالغالي.


,,,,,

قاف عن عشره قيفان


طاروق قمه


ما زال شعراء عتيبه يسطرون أجمل الإبداعات عند مقابلة بعضهم