مرحبا بضيوفنا اللي لفونـــا =اللي على ميعادنا شرفونـــــــــا
ترحيبة ما امطر خيال المزونا=باسم ذوي عويد رجال المواجيب
اهلا وسهلا وارحبوا يا نشاما =يا اهل الوفاء واهل السعد والمقاما
حلة كرام(ن) تفتخر بالكراما =ربعي ذوي عويد رجال المواجيب
الله يحييكم بعد ما لفيتوا =من يوم سرتوا لين للقصر جيتوا
ولكم وفاء زايد غلا ما حييتوا =وربعي ذوي عويد رجال المواجيب
يا بادرة اهل الفعول الوكايد =اللي ولدهم فاز بالرقم واحد
للذيبة اجمع , والخلايق تشاهد=ربعي ذوي عويد رجال المواجيب
يا ربعنا يا اخواننا يا رياجيل = فالرأس كلمة ما تبى صدق تاجيل
باقولها عن اذنكم يالحلاحيل = وربعي ذوي عويد رجال المواجيب
ماني باكبركم ولا ادع المكانة =لكن ابوي اللي عطاني امانة
احرص على الجمعة وقول الرزانة=وربعي ذوي عويد رجال المواجيب
انتم بني عم ورفاقة واخوان= والصف واحد من قديمات الازمان
وان ما حزمتوها فلا طال بنيان=وربعي ذوي عويد رجال المواجيب
تكاتفوا ترى التكاتف شحاعة =والعنصرية هي طريق القطاعة
واللي يبيها ما على الامر طاعة =وربعي ذوي عويد رجال المواجيب
هذا ومليون التهاني لهادي =المركز الاول وفوز(ن) وكادي
ومبروك لزملاه والنور بادي =وربعي ذوي عويد رجال المواجيب
انتم امل للمنطقة والقبيلة = وعليكم امال النشامى طويلة
والله يوفقكم لعلم الجميلة =وربعي ذوي عويد رجال المواجيب
يا ليلة ماهي بمثل الليالي =اخو وولدعم ورفيق وغالي
الله يجمعنا بجنان الظلالي=وربعي ذوي عويد رجال المواجيب
والختم صلوا عد ما طائر(ن) طار =على الرسول المصطفى خير الابرار
والله يحييكم مرارا وتكــرار =باسم ذوي عويد رجال المواجيب

تباشيـر الـفـرح عـمـت هــل ام الــدوم مــع نـمـران=تـــدوم افـراحـكــم يـاربـعـنـا الـقـاصــي مــــع الــدانــي
تــــدوم افـراحـكــم والــشــك زايــــل والـعـلــوم ســمــان=وعـلـى جــزل المـعـانـي جيـتـكـم والـــراس مـاهـانـي
تـشـرفـنــا بــدعـــوة ربـعــنــا الـغـالــيــن والـشـجــعــان=هــل المـجـد التلـيـد الـلـي لـهــم بالـطـيـب عـنـوانـي
زيـارتـنـا لـكــم واجـــب ومـعـهــا الـشـكــر والـعـرفــان=عـلـى وقفـتـكـم الـلــي واضـحــه فـــي كـــل مـيـدانـي
هـنــا المـيـقـاف يـجـبـر شـاعــره ويـرجّــح الـمـيـزان=هــنــا للـطـايـلـه قــســم الــرجــال ومــزبـــن الـجــانــي
ســــلام الله ســــلام وقــتــه الـمـعـلـوم حــــل وحــــان=ســـلام يـدفـعـه صـــدق الـغــلا مـالــه هـــدف ثـانــي
سلام الله على اللي صيتهم من ماضي الازمان=عـلـى القـمـه مثـبـت مــن فـعـول طـــوال الايـمـانـي
سـلام الله علـى اللـي فعلـهـم تشـهـد لــه العـربـان=هـل الديـن الحنـيـف ومكرمـيـن الضـيـف والعـانـي
تجمعتو على الطاعه عسى الله يدحر الشيطـان=وكـسـب ناموسـهـا الـحـر الـنـداوي طـيـر حـورانـي
تـجـمـعـتـو قـبـيـلــة وحـــــده يـــــوم الــعـــرب شــتـــان=عــلــى الــــراي الـسـديــد وكـلـبـوكـم فـعـلـكــم بــانـــي
نـهـجـتـو مـنـهــج الـشـيـبـان مـاجـنـبـتـو الـشـيـبــان=وكــلٍ قــال ابــوي الـلـي عـلــى الـوقـفـات وصـانــي
وانــا مـاقـول غـيـر البـيـت مايبـنـى بـــلا سـيـسـان=عـلــى الـتـقـوى مـثـبـت ماتـغـيـر طـــول الازمــانــي
فرحـنـا يــوم فــاز الشـيـخ هــادي واثـبـت الـبـرهـان=ورى الـهـقـوه ولا انـــت بـدونـهـا يـالـنـادر الـعـانـي
ابـــوه الــلــي تـحـلــى بـالـوفــا والــصــدق والايــمــان=عسـى الله يجعـل الـه بجـنـة الـفـردوس مسكـانـي
زبــن وان حـــل ذكـــره عـــادت الاهـــات والاحـــزان=صـفــاتٍ فـــي زبـــن ماشفـتـهـا فـــي واحــــدٍ ثــانــي
يـاهـادي يـاوريــث الـعــود فـعـلـك بـــان بـالـذرعـان=عسى عمرك طويـل ودعوتـي مـن قلـب ولسانـي
يـاهـادي والقصـيـد يـزيـن فــي طـاريــك والقـيـفـان=وانـا شاعـر وجــات ابـيـات شـعـري فـيـك تنخـانـي
يـاهـادي والـمـراجـل فـيــك مـوروثــه مـــن الـجــدان=تــقــول الـفـعــل فـعـلــي والـطـبــوع طــبــوع جــدانـــي
ورثــت الـجـود والنـخـوه وطبـعـك تـكـرم الضـيـفـان=ابـــو كـــفٍ نــديــه شـانـهــا عــنــد الــعــرب شــانــي
اليـا منـه وقــف يشـفـي كـبـود ويـشـرب الظمـيـان=اثـــر مـالــه شـبـيــه وكـلـمـتـه كـالـسـيـف شـامـانــي
لـــو الـفـزعـه تـكـلـم كــــان قــالــت بـالـفــم الـمـلـيـان=انــا فــي بـيـت هــادي مــن نـشـد يـقـلـط ويلـقـانـي
كــريــم وفـزعـتــه تـشـبــه لــوبــل الــمــزن والــربــان=حضـرنـا حفلـتـه مــن عـقـب جتـنـا دعــوة الـعـانـي
عسـاكـم فالـوجـود ودامــت الفـرحـه يـاهــل نمران =ســــوا ســطّــر لــهــا الـتـاريــخ عـنـوانــي
واقـول الخاتمـه صلـو علـى محـمـد رفـيـع الـشـان=رســول الله صـفـوة خـلـق ربــي واطـهــر انـسـانـي

في حفل اهل نمران والنور بادي=يا مرحبا ترحيبة(ن) شكلها غير
عنبر ومسك وريح ورد(ن) وكادي =مقدمه للي حضر يالمناعير
ومن بعدها يالربع علم (ن) وكادي = لافيه لا هاذي ولا ذي ولا غير
فهد وماجد وابن وارد وهادي = فازوا وزفينا الفرح والتباشير