سلام تسليمٍ يعم المنتدى = من ريئس الاعضاء الى اصغر عضو فيه
تسليم ازفه مع قطرات الندى = واعطره بالمستكا والعود ليه
كله لاجل ربعي بعيدين المدى = واهل الوفا والعرف والعرض النزيه
عز الخوي والجار وكعام العدى = متوارثين الطيب بيضان الوجيه
رجالهم ماتذهب افعاله سدى = ولا يقف في موقف الا يحتميه
يضرب طوابير المعادين ايحدى = ويضدهم ويحصَل اللي يمتنيه
خصيمهم في حربهم ماله جدى = والله ليبطي ماينال اللي يبيه
من لامني في مدحهم جعله فدى = وقفاتهم والله يعوض امه وابيه
من غير قاصر فالرياجيل وبدى = مايهضم احقوق الرجال الا سفيه
كل القبايل فالبلاد الهم صدى = وافعالهم ماكل فعلٍ له شبيه
واختامها يارب عفوك والهدى = والمصطفى المختار صلى الله عليه