تباشير الفرح عمت هل ام الدوم مع نمران=تدوم افراحكم ياربعنا القاصي مع الداني
تدوم افراحكم والشك زايل والعلوم سمان=وعلى جزل المعاني جيتكم والراس ماهانــــي
تشرفنا بدعوة ربعنا الغالين والشجعان=هل المجد التليد اللي لهم بالطيب عنواني
زيارتنا لكم واجب ومعها الشكر والعرفان=على وقفتكم اللي واضحه في كل ميداني
هنا الميقاف يجبر شاعره ويرجّح الميزان=هنا للطايله قسم الرجال ومزبن الجاني
سلام الله سلام وقته المعلوم حل وحان=سلام يدفعه صدق الغــــــلا ماله هدف ثاني
سلام الله على اللي صيتهم من ماضي الازمان=على القمه مثبت من فعول طـــــوال الايماني
سلام الله على اللي فعلهم تشهد له العربان=هل الدين الحنيف ومكرمين الضيف والعاني
تجمعتو على الطاعه عسى الله يدحر الشيطان=وكسب ناموسها الحر النداوي طير حوراني
تجمعتو قبيلة وحده يوم العرب شتان= على الراي السديد وكلبوكم فعلكم باني
نهجتو منهج الشيبان ماجنبتو الشيبان=وكلٍ قال ابوي اللي على الوقفات وصاني
وانا ماقول غير البيت مايبنى بلا سيسان=على التقوى مثبت ماتغير طول الازماني
فرحنا يوم فاز الشيخ هادي واثبت البرهان=ورى الهقوه ولا انت بدونها يالنادر العاني
ابوه اللي تحلى بالوفا والصدق والايمان=عسى الله يجعل اله بجنة الفردوس مسكاني
زبن وان حل ذكره عادت الاهات والاحزان=صفاتٍ في زبن ماشفتها في واحدٍ ثاني
ياهادي ياوريث العود فعلك بان بالذرعان=عسى عمرك طويل ودعوتي من قلب ولساني
ياهادي والقصيد يزين في طاريك والقيفان=وانا شاعر وجات ابيات شعري فيك تنخاني
ياهادي والمراجل فيك موروثه من الجدان= تقول الفعل فعلي والطبوع طبوع جدانــــي
ورثت الجود والنخوه وطبعك تكرم الضيفان=ابو كفٍ نديه شانها عند العرب شاني
اليا منه وقف يشفي كبود ويشرب الظميان=اثر ماله شبيه وكلمته كالسيف شاماني
لو الفزعه تكلم كان قالت بالفم المليان=انا في بيت هادي من نشد يقلط ويلقاني
كريم وفزعته تشبه لوبل المزن والربان=حضرنا حفلته من عقب جتنا دعوة العاني
عساكم فالوجود ودامت الفرحه ياهل نمران=ووقفتكم سوا سطّر لها التاريخ عنواني
واقول الخاتمه صلو على محمد رفيع الشان=رسول الله صفوة خلق ربي واطهر انساني

لو الفزعه تكلم كان قالت بالفم المليان=انا في بيت هادي من نشد يقلط و يلقاني

المشاركة الأصلية كتبت بواسطة فيصل مطر (المشاركة 1232433) لو الفزعه تكلم كان قالت بالفم المليان=انا في بيت هادي من نشد يقلط و يلقاني الشاعرالكبير/محمد الذيابي صح لسانك وبيض الله وجهك بياضاْ يشاف ولا يغطه اللفاف على هاذي الاسطوره والنعم بالمادح والممدوح تقبل مروري

:
:
:
:

لو الفزعه تكلم كان قالـت بالفـم المليـان=انا في بيت هادي من نشد يقلط و يلقاني

بيت يفني القصيد وهو مافنى ..

صح لسانك على هالقصيدة الجزلة ،، وهي في شخص
يليق بشخصه اجزل المديح.. يستاهل هادي ..

:
:
:
:
:

المشاركة الأصلية كتبت بواسطة عايض مثقاب الزراقي (المشاركة 1232484) صح لسانك يا محمد قصيده قريتها أكثر من مره سجل أعجابي في شعرك الراقي تقبل تحياتي

المشاركة الأصلية كتبت بواسطة غالب الذيابي (المشاركة 1232498) : : : : لو الفزعه تكلم كان قالـت بالفـم المليـان=انا في بيت هادي من نشد يقلط و يلقاني بيت يفني القصيد وهو مافنى .. صح لسانك على هالقصيدة الجزلة ،، وهي في شخص يليق بشخصه اجزل المديح.. يستاهل هادي .. : : : : :