سمو الشعر لامني دعيته والفكر قصاد = على غاية مطاليبي يلبي في مقاصدها
وأنا أدري كل زراع ٍ سقاء زرعه وله حصاد = ولايقطف ثمرها كود من يحسن بنايدها
وأنا ماأقول له سيد وغيري فالبيوت أسياد = ولكن بصمتي تبقى عليها من شواهدها
عليه من حزامي لاوقفت وجيت فالميعاد = صناديق الجواهر من ثمين القول ينقدها
تعلي هامة ٍ عليا وقار ورمز للأمجاد = على عرش المعالي شامخه بإسم ٍ تسيدها
مجالس عزنا تبقى رفيعه والثياب جداد = تجدد من وفانا ماتغيّر في بدايدها
صروح ٍ عامره من ساس منزلها على الأشهاد = يظلل ظلّها فالوقت من سابق عوايدها
على قدر وحشيمه لاتراكت فاليمين شداد = وعنه الرووس لوطالت قصيرات ٍ سواعدها
فخر بإسم البجــاديه وتاج ٍ للمعالي ساد = يشرفني وأباهي بإسمها من عز قايدها
عليها أسلافنا عاشت وعشنا في ثراها أحفاد = زمن حضارها واللي سكن بإسمه لحايدها
بناها من عسى الجنه مقره والنعيم بلاد = بأمر خلاقنا الأرواح مفنيها وعايدها
تسييد بنّيها يمناً لها حبل السعد ينقاد = تعزز سورها من حصن بانيها ورايدها
على درب السلف ينهج خلفها والدروع أسناد = مذاخير الزمان اللي على الجمه مواردها
حقيقه قلّتها مال الحقايق فالصدر مقعاد = شهادة حق بلساني حقيقه يوم أفندها

المشاركة الأصلية كتبت بواسطة فيصل مطر (المشاركة 1231484) تعلى هامتن عليا وقار ورمز للامجاد=على عرش المعالي شامخه بسمن تسيده الشاعرالقدير/سعدالمسعودي صح لسانك على القصيده وانت شاعر كبير والشاعر الي مثلك اكيد عنده ثقافه ليش تكتيب كذا؟ ماعندك خبر ان الشعرالنبطي يكتب كماينطق وليس بطرقة كتابة الخط وصح لسانك مجددا والقصيده رايعه جداجدا وكلامي عن الكتابه فقط تقبل مروري

المشاركة الأصلية كتبت بواسطة محمد الذيابي (المشاركة 1231533) ,, صح لسااااااانك يالحر الاشقر لاهنت يالغالي ,,,,,