محاورة بين ابن شايق والعلاوة
 

هذه المحاورة قديمة وجرت بين ابن شايق والعلاوة

عــبـــدالله بـــــن شـــايـــق
سـلام رديـة ثمنهـا يعـادل مـال قــارون
لكـن أبهديهـا لكم واتنـازل عــن ثمنهـا
قم يالعلاوه وصل لله والعـن رأس فرعـون
فرعون يلعـن والشياطيـن مـن صلـى لعنهـا




عــــبـــــدالله الــــعـــــلاوه

يامرحبا ترحيب حكمـه بناهـا قلـب مجنـون
واليـا نطقهـا تستفيـد البشـر والجـن منهـا
يا لاعنن فرعـون قبلـه بليـس العـود ملعـون
اللي من اول قبل خلـق العـرب يامـر وينهـا




عــبـــدالله بـــــن شـــايـــق

لا والله الا قامت القافلة تمشـي علـى الهـون
كيف الجنازه عودت عقـب حطـت فـي كفنهـا
واجب علي ازاور اللي ورا البيبان مسجون
وانا ادري أن ذنب المساجين فـوق اللي سجنها




عــــبـــــدالله الــــعـــــلاوه

انـا نصحـت البدو لا ينزلـون ولا يشـدون
أهم شيء الـروح وش قـال عزرائيـل عنهـا
دين الدراهم اخير من واحـدٍ بالـروح مديـون
الروح لو ترجـع بطاقـة رهنهـا مـن رهنهـا




عــبـــدالله بـــــن شـــايـــق

اللي طرالك ما طرالـي وخـل البـدو يمسـون
حنا نسج الرجل مـن شامهـا لأقصـى يمنهـا
أن كان قلبـك فيـه روعـه ليـا رن التيلفـون
الناس مفتونة بحاجة ولا ادري وش اللي فتنهـا




عــــبـــــدالله الــــعـــــلاوه

من يسلم امن اهل اليمن ماهو امن الشام مضمون
لو كان يضمن درب وحده ثـلاثٍ مـا ضمنهـا
الظاهر انك واحـدٍ مـن كبـار الربـع مفتـون
الفتنـه اللـي لا طـوت روح رجـلٍ تمتحنهـا


عبدالله بن شايق

ياليـت غالـب كامـل يطلعـك بـرا التلفـزون
ولا بيـوت العـز مـا عـزت إلا مـن سكنهـا
سلط على الأيام تطحـن وراح الحـب مطحـون
طاحونـة الأيـام تطحـن ولا حـيٍ طحنـهـا




عــــبـــــدالله الــــعـــــلاوه

باخذك قدوه وانت قبلي طلعت وشفت وشلون
وشلون سكيـن الزمـن قطعـت كـفٍ دهنهـا
اليا سلمت تصير حبة شعيـرة وسـط طاحـون
خل الرحا تطحـن حمـاة الضعـن ولا ضعنهـا




عــبـــدالله بـــــن شـــايـــق

ابشر بخمس اجمال ومقسمه في عشرة أصحـون
أن كان تبغى الجد عان الذبايـح فـي صحنهـا
مدام في نفسي ثقة ماعلي لي راس ومتون
ما قلت لـك ويـن المنيحـه ودور لـي لبنهـا




عــــبـــــدالله الــــعـــــلاوه

المشكلة تبدون عكـس العلـوم اللـي تخّفـون
لا قلت لك كلمـة حقيقـه عـن اللفـات صنهـا

لاهنت يالغالي


,,,,

ولا تهون يا محمد الذيابي

مصـــــــر

يعافيك ربي
على هالطرح الرائع وفعلا محاوره رائعه بكل ماتعنيه
الكلمه ودائما يكون لتواجدهم مع بعض طابع خـاص

وعلى حسب معلوماتي بتجمعهم محاوره قريبه
إن شاء الله بتاريخ 27 أو 28 من هذا الشهر


كل ودي وتقديري ....

محآوره مستوآها أقل من العآدي افتقدت للابدآع ..




هنآك نقض وفتل وأعتقد أنه لفظي فقط ..





يعطيك العآفيه أخوي على النقل الجميل ..





تحيآتي

طاروق محبوك ومسبوك من كل الطرفين
لاهنت ياطارح الموضوع على اختيارك الراقي

لاهنت يا مصر




قاف اعجبني كثيراً

واجب علي ازاور اللي ورا البيبان مسجون
وانا ادري أن ذنب المساجين فـوق اللي سجنها


يا سلاااااااااااام قسم بالله ابدااااع ومحاوره معانيها ثقيله :)

صراحه ان هالطاروق ابدعوا فيه الأثنين الله يطول في اعمارهم