سلام ردية وفا لهل الوفا ياربعي العتبان منجين الدخيل=ردية ٍ من خاطري للي قرا واللي عقد روس الحبال ايحلها
ياسامع ٍ مشي النمل فوق الصفا تكتب لنا الجنه وشرب السلسبيل=واتفكنا من اللي عما والأعورا واللي عقد روس الحبال ايحلها

يامرحبا والجو دوب انه صفا جاك العميل اللي يقابل للعميل=اطلع ياعبدالله على قمة كرى واللي عقد روس الحبال يحلها
يالله ياللي ما عليك امر يخفى تكتب لنا الفردوس يالله ياجليل= وجود يدينا في وثيقات العرى واللي عقد روس الحبال يحلها

جعلك من اللي في لزومه قد كفا وليا نقل حمله ثقيله ماتميل=قدام يالفالح ولا ترجع ورا واللي عقد روس الحبال يحلها
إن كان يالفالح تدور للدفا لا ترمي الفروه وترقد فالمسيل=مايحصد المحصول غير اللي ذرا واللي عقد روس الحبال يحلها

وش لون هذا العلم والمنطوق (أفا)انا نطحت القوم بالسيف الصقيل=وانته مذري يالحليفي فالذرى واللي عقد روس الحبال يحلها
علمك هذا ماشفت له وجه وقفا البرق يبرق مار ما جاله حصيل=الفرق ما بين الثريا والثرى واللي عقد روس الحبال يحلها

صاحبك يدعيلك بخير ولا هفا والظاهر أنك مانت يالفالح هبيل=عيني سهيره وانت هاني بالكرا والل عقد روس الحبال يحلها
إن كان رجل اشعيل صايبها حفا مافيه مشكل نقبل بداله وكيل=ونقول للعربان ماشي ٍ جرا واللي عقد روس الحبال يحلها

النور بادي يالحليفي ما طفا وانته تخيل البرق في عرض المخيل=ان كان لك قلبٍ ولك عينٍ ترى واللي عقد روس الحبال يحلها
ندعيلك الله يالحليفي بالشفا يا اللي تخلط الهيل فوق الجنزبيل=السوق غالي واكثر الناس فقرى واللي عقد روس الحبال يحلها