خلو الحرمه تسوق وتشتري سياره=خلوالحرمه تحقق مثلكم رغبتها
لوتفحط فالبلد والا تجي فالحاره=المروراليا طرحها ماطلب رخصتها
البنادم فالحياه بهيبته وانصاره=والحقيقه ياجماعه عاليه هيبتها
البنيه كنها تركب على طياره=افتحو كل الشوارع واحذرو سرعتها
تلحق الغاره عليكم كل يوم بغاره=كان جات مفحطه ومعصبه شيلتها
تمشي الطبلون كله كنها صقاره=ازدواجية زعلها في بحر فرحتها
من تهورها ماتسمع بذنها الصفاره=لولحقها العسكري مع خطها سرتها
القدم تدعس بها ويدينها فالطاره=من يرد الداهيه لاثورت عجتها
يالله استر لاتبنط فاول العباره=الغشيمه فالقياده تختبر خبرتها
كل واحد محتفض في دنيته باسراره=مانبي بعض العلوم ولانبي فتشتها
في زمان العولمه يوم اعترض تياره=لبست البنطال والقبعه على شوشتها
جاتنا متحمسه ومركبه نظاره=انتها دور المواطن وبتدت دورتها
يالله اني زابنك من فعلت الجباره=لايصيرالرجل لقمه من تحت لقمتها
لاتقولون المره لاروحت محتاره=اختها في جنبها والاخذت جارتها
المكان اللي تريده عينها تختاره=ماتخلي حاجتن فالسوق مامرتها
والرجل فالبيت جالس مايروح لجاره=المره راحت تجيب بنفسهاحاجتها
تشتري من ربعها العطاروالعطاره=ثم بعدها تاصل الخياط في رجعتها
لوتبيع الخاتمين وتحرق الاسواره=المهم اتكون مبسوطه بعد رحلتها
ماعلاها كل شي مسجله مقداره=بارك الله في زمان وليلتن جابتها
الشعر دايم يقدم للبشرمعذاره=والمشاعر عبرت عن حاجتن حستها

المشاركة الأصلية كتبت بواسطة محمد الذيابي (المشاركة 1228386) ,’ صح لسانك ياعبد الله كل بيت يحمل صورة رائعه الحقيقه من أجمل ماسمعت لاهنت يالغالي

المشاركة الأصلية كتبت بواسطة سـعـد الـعـصـيـمـي (المشاركة 1228391) ههههههههههههه والله انك جبتها على الجرح اضحك الله سنك اضحكتنا وابهرتنا بهالحبكة الرائعة صح لساااااااااااانك

الـبـنـيـه كـنـهــا تــركــب عــلــى طــيــاره=افتحـو كـل الشـوارع واحـذرو سرعتـهـا