النخوة اللي تروح إل/غير راعيها=أكيد ماهيب يم سعود مرسوله !!
الصاحب اللي كفوف الطيب مصخيها=ليا نخيته بجاهه سدّ عن دوله!!
واليا بدا فالدعاوي عاد منهيها=لو القضية صعيبه جات محلوله!!
طيب وكرامه ونخوه مايخليها=واليا فزع فزعته بالطيب مشموله!!
ماهيب فزعة مصالح لاجل يرجيها=لا بالله الا الاخوّه معه مجبوله!!
من عزوةٍ يشهد الحاضر لماضيها=ءسيوف عزٍّ على العدوان مسلوله!!
آلاد عاصم تواجه من يعاديها=حماية المركي الثابت ليا حوله!!
واهل المواقف نسميها باساميها=واللي تكلّم دليله معه في قوله!!
وختامها . والقصيده من معانيها=ونهاية ابياتها بالطيب مقفوله!!

حييت يامعطي الجزله ومهديها = شهادة ٍ منك مرضيه ومقبوله.
جزله ولا خسر بايعها وشاريها = والطيّب من العرب طيبه من فعوله.
وانته من العزوه الليٍ ماجهل فيها = احد ٍ من الناس يوم الحرب بخيوله.
من روس قوم ٍ ذريبات ٍ يمانيها = من سابق الوقت فالصوله وفالجوله.
قوم على العز بانيت ٍ مبانيها = اهل سنان عنان وجوله وصوله.
الآد عاصي وخلق الله بطاريها=حمايت الماقف الحامي لياجوله.
فعولكم يعجز التاريخ يحصيها = فعول مثبوته ِ ماهيب مجهوله.
قول وفعل فاول الدنيا وتاليها = لن جات منقوضة ٍ وان جات مفتوله.
لاخصامها توفي الكيله وتثنيها = يوم الزمن جاب عجمانه مع سهوله.
ومن لايجيب العلوم ولايوديها = يقعد مع اللي مغير يدقق طبوله.
الرجل يعرف مواجيبه ويوفيها = وان ما ذكر بالفعل ماذكر من زوله.!!

المشاركة الأصلية كتبت بواسطة @ـايل (المشاركة 1228310) ياسلااااام حين نشعر بالاستمتاع فإننا بالتأكيد نقرأ للعمالقه ابو طايل صح لسانك وصح لسان الشاعر عيد العازمي مجاراه رائعه وكلمة رائعه قليله بحقها سجّل اعجابي ,,, .. ..

المشاركة الأصلية كتبت بواسطة مرزوق حمدان العتيبي (المشاركة 1228564) .. . رد وافي يابو طايل كفو بكم ياثنين صحت الالسن ..

المشاركة الأصلية كتبت بواسطة فهد العازمي العتيبي (المشاركة 1228592) .. صحت السنتكم جميع ابدعتوا لاهنتم والله ،،،