الهيـــــــــــــلا *** منتدى قبيلة عتيبة - المهره اللي مالهـا اليـوم خيـال

المهره اللي مالهـا اليـوم خيـال
ما تلتفت في كـل علمـن رجاهـا

في ساسها تفخر على العز تختـال
محشومتن في عز شيخـن رعاهـا

ملبسه تاج الفخـر كبـر وإجـلال
في عينها محدن وصـل مستواهـا

في وصفها تقصر بديعات الامثـال
وتقصر بيوت الشعر تكسب رضاها

ما لدت العين بصدى صوت الانذال
ولا همها لـو كثـروا فـي نداهـا

في عينها قرمن له الطيب منـزال
وفي عينها نظـره بعيـدن مداهـا

من عقبها مالي مع الناس مدهـال
وعيني ما عاد تشوف وجهة خطاها

هي غاية القلب وهوى راحة البـال
وسعد العيون اللي تزايـد شقاهـا

سبحان من صور لها الحسن والفال
وسبحان من صور حلاها وعطاهـا

وسبحان من يعلم خفيات الاقـوال
وسبحان مـن زود بقلبـي غلاهـا

الشاعر / عبيد الحيسوني