حبيب وسفر الجديده فالرياض ناريه
 

سفر

ياحبيب دارت الايام عجلات الدواير !!! والمراقيب اكثر اللي فوقها حول تحتها


روحت بك ياعريب الجد مع درب ن مغاير !!! فالخلا الخالي ولا قدامها غير رقبتها



حبيب

مايحول غير طير ولو بغا ماهوب طاير !!! وانت عاين فالصقور اللي على العز اعتلتها


ان سلكنا ماسلكنا مع طريق ام الكباير !!! لو تقفي طيلة الايام وتعوج رقبتها


سفر

لاتعلمني يابوفيصل بخافية السراير !!! عندي اسرار القلوب من اولتها لاخرتها


تشتري بفلوسك انواع العقايب والعزاير !!! لين حطمت البنايه واليدين اللي بنتها


حبيب

خابر انك مالي ن لك سعن من در العشاير !!! والعشاير بوركت وانته تبارك ببركتها


ماسمعت من العدى غير الغسيل من الضماير !!! والرجال اللي تخاف الله ماتظلم بختها


سفر

وانت يوم انك شربت السعن واحرقت الذخاير !!! ماوصلت الديره اللي ربعك العام وصلتها


بار بك وقت الشقا ولا اعرفك مانته بباير !!! اضربتك ام الركب يوم الركاب ودرهمتها


حبيب

يامقطعت العلوم ويامقطفت الزقاير !!! ديرة ن مالي بها وش عاد لو الربع جتها


ماتثنا عظم ساقي لو في ساقي جباير !!! فاز حظي بثمرتها ويش ابا غير ثمرتها


سفر

بعد ماروحت منا ياعسى دربك سفاير !!! ما اقدر اكره ساعة الفرقا وعيني مابكتها




http://www.youtube.com/watch?v=yZ4cE...layer_embedded

طاروق رائع لاهنت يالغالي

الله الله الله


إبداع من الطرفين _ قاد المعنى والمسيره ابوسعد متفردا


وتابعه ابوفيصل متجليا


مقدر أكره ساعة الفرقا وعيني مابكتها

ختام رائع من سفر



ديرتن مالي بها حتى لو ان الربع جتها

مخرج عالمي من حبيب



هكذا النجوم _ هكذا العمالقه _ هكذا الإبداع



عشت يالمرشدي

خابر انك مالي ن لك سعن من در العشاير !!! والعشاير بوركت وانته تبارك ببركتها

ماتثنا عظم ساقي لو في ساقي جباير !!! فاز حظي بثمرتها ويش ابا غير ثمرتها


حبيب موجود شعر المحاورة بخير

ما شاء الله تبارك الله يابو فيصل الله لا يضرك

تحياتي

اذ تقابلوا المبدعين



ماتششوف الا الابداع



لاهنت يالمرشدي