رساله لخادم الحرمين ولكل من يخاف الله واليوم الاخر من المسئولين.
 

الحجارة والحواجز البشرية تمنع تعديات السيل من إزالة أحواش المواطنين

الطائف – الوئام – فايز الثبيتي :
شكل عدد كبير تجاوز المئة رجل من سكان السيل شمال الطائف حاجزا بشريا صباح اليوم الثلاثاء لمنع ازالة منازلهم وممتلكاتهم حيث نجحوا في صد شيول البلديه والذي كان معززا بقوة حمايه من شرطة الطائف

المواطنون كانوا قد تجمعوا منذ الصباح لمنع لجنة الازاله والتي يتقدمهم رئيسها بالسيل “احمد الطويرقي “حيث ان معظم اصحاب تلك المنازل والبيوت يحملون صكوك شرعيه صادره من محكمة السيل الكبير بحسب تأكيدات الأهالي لمراسل الوئام .
يذكر بان جميع تلك المنازل المستهدفه تقع على شوارع مسفلته من قبل بلدية الطائف وبها خدمة الكهرباء والهاتف والانترنت وتسكنها عوائل

وحسب مصادر “الوئام” فقد قام بعض الاطفال والنساء برشق سيارات البلديه بالحجاره مما تسبب في تحطم بعض زجاج تلك السيارات

“الوئام” تلقت رسائل من اصحاب تلك المنازل وجهوها الى مقام خادم الحرمين الشريفين الملك عبد الله بن عبد العزيز حفظه الله شاكين حالهم له ومطالبين بحمايتهم من تلك اللجان والتي تتربص بهم بشكل مستمر قائلين من لنا غيرك يا ملك الانسانيه بعد الله عز وجل.


المصدر جريدة الوئام.

http://alweeam.com/2011/09/27/%D8%A7...A%D8%A7%D8%AA/

والله مدري بئيت حق يزيلون بيوت المسلمين عسى الله يزيلهم ويكفينا شر كل حاسد وطماع.


واتمنى إن الموضوع ياصل لكل من يخاف الله من المسؤلين في هذي البلد ويكفي المسلمين شرد الفئه الجشعه المتسلطه على حقوق المواطنين.واتمنى إن الكلام اللي دايم نسمعه(إنا في دوله فيها نضام عادل مانا في غابه عشان القوي ياكل حق الضعيف)يكون كلام صحيح.ونشوف النضام ياقف في وجه الضلم وينصر المضلومين ولا يخلي حقوقهم تروح هدر.



وأتمنى من كل العسكر والضابط وكل من عنده سلطه وكل الواصلين من الثبته سواء من السيل ولا غيره ياقف مع عيال عمه ويحاول يرفع القضيه للجهات العليا أذنهم يكافون الشعب من حرامية الاراضي.لأنكم لا سكتو على هذه الشي يبون يتمادون هذولي الحراميه ويسرقون الارض ومافيها دامهم في كل مره يلقون اللي يبونهم من دون لاحد يوقف في وجييهم .




ورساله اخيره لهل السيل:هذه حقوقكم واراضيكم لا تخلونها تروح عليكم بسبت كم حرامي.أوقفو وقفت رجال واحد فيها لأنها من حقك.فئن ما تهنيتو فيها في حياتكم تهنو إبها في مماتكم وخلوها قبور إلكم.
وحتى لو مالكم أي شي فهذيك الاراضي لا تسكتون أفزعو مع عيال عمكم على الحق عشان لا بكرة النهار ياصلون لراضيكم.




والله يكافي جميع المسلمين من شر هذولي الحراميه.

لاحول ولافوة الا بالله

طالعت الخبر في سبق و كاتبه عتيبي للاسف وفد ساءني جدا صياغته للوافعه وتهويله لدفاع السكان عن مساكنهم التي يمكن لا يوجد لديهم غير ها فكبف حال هؤلاء المواطنين التي تمحى مساكن أبنائهم في لمحة بصر ويبقون في العراء هل وفرت البلديه والمحافظه لهم البديل أم سيتركونهم بلا مأوي ؟
هناك دعوه كان الناس يتندرون بها على بعضهم وخاصه الحضر يقول على سبيل المزاح أو الشتم والسب الله يخرب بيتك وردده ذلك الشاعر سلطان الهاجري في برنامج شاعر المعنى ولكنه استخدمها بعكس دلالتها الاساسيه بدواعي الاعجاب
فهل نقول لرئيس التعديات الله يخرب بيتك لانك ستخرب بيوت الفقراء (دلاله لعدم استحسان الفعل)
أم نقول للمجبورين عن دفع الضرر عن مساكنهم الله يخرب بيوتكم (استحسانا لتشبثهم ببقاء مساكنهم )
كله خراب في خراب ودعوة المظلوم ليس بينها وبين الله حجاب
إن شاء الله صوتهم يصل لولاة الامر وعندها يبشرون بالسلامه فولاة الامر لايقبلون بضرر المواطن وتعكير صفو حياته وأوامرهم جميعها تصب في مصلحة المواطن 0000


للفكه منك

أدخل في أحد البيوت المراد إزالتها يامودع دنياه لنكتب لك في أخبار القبيله خبرا حزينا وداعا والى جنات النعيم يا مودع دنياه هههههههه

السلام عليكم وصبحكم الله بالخير جميعاً

أخي مودع دنياه هذا الخبر من الاخبار التي تخص قبيلتنا وتلزمنا ان نقف وقفة رجل واحد كما قلت
ولكن
ولكن
ليس بالهمجيه ورشق الحجاره على سيارات البلديه !!!

والخبر يقول الاطفال والنساء !!!! والله مشكله ومصيبه اذا اصبحنا نستخدم الحجاره والنساء والاطفال في الحفاظ على حقوقنا وحماية اراضينا

صرنا فلسطين ماحنا السعوديه!!

الموضوع لابد ان يتصدى له كبار القبيله ومثقفيها والقادرين مادياً من القبيله

بالقيام بالإجراءات القانونيه والنظاميه الصحيحه من توكيل مجموعة محامين قويين للعمل على رفع قضيه والمطالبه بالحقوق بشكل قانوني وسليم

وعمل التغطيه الاعلاميه الامينه دون تضخيم او تقليل

والعمل على كل الجبهات مثل ماقال اخوي مودع دنياه ...

لاتدعوا اصحاب هذه الاراضي يتصدون للموضوع بمفردهم

فلتقفوا وقفة رجل واحد مادياً ومعنوياً وقانونياً واجتماعياً في كشف ملابسات هذا الموضوع وإحقاق الحق

ارجوكم
لاتدعوا هؤلاء الناس بمفردهم في مواجة البلديه

ربما يكون هذا اختبار من الله لنا ... هل نحن كعتيبه على قدر مانقول ونفتخر بأنفسنا

هل نملك من الحكمه والقوة في الحق لكي ننصر المستضعف ونأخذ الحق له

ونحافظ في نفس الوقت على لحمه الوطن وقوته


ولنبتعد ياأخواني قدر الامكان عن التكلم في الاشخاص

ونركز الجهود على الواقعه نفسها ومحاربة المتسببين بغض النظر عن من همّ

والله مدري وين التهويل اللي تقصده.معني ما شفت اللي صار ولادريتبه من احد قبل لا اقراه فالجريده ولا ادري حتى وين موقعه هههههههههههههههه.واليوم بعد ما كتبت الموضوع رحت يم الديره وسيرت في كل الاماكن المشتبه فيها ولا لقيت شي <<<<يدورها حنقفه ههههههههههههههههههه

واما عن البلديه ملعين المترس.فهذه طبعهم من يومهم هم والحراميه اللي على روسهم يزيولون بيت المسلمين ولا يعوضونهم ولا شي.وانا اللي من جد غبني قبل كم يوم كنت متكي مع ريجيل شروا قرشان ويعلموني في في اراضي فاخر مكه إلهم أزالوها عليهم البلديه الله يقطع وجههم.عشان ماعليها صكوك ولا عطوهم تعويض.معن الديره معروووفه قرشيه من قبل لا تجي البلديه ولا الحرامي اللي مرسلهم مير عشانها في مقطعه ما اهتمو ابها.فبيت حق تجي البلديه وتزيلها عليهم؟؟شي يقهر وربي واللي يزيد يغبن يوم يعلمني الرجال ويقول نص القضاه القصمان لا بغيت تضهر صك لرضك من عندهم ما يعطونك إيه إلا ان مشيت جيوبهم يعني حتى في حلالك يما يشاركنونك أو يخلون غيرك يسرقك؟؟؟؟ويقول الرجال ماغير واحد اللي وقف في وجيههم وهو واصل لين طلع لرضه صك.ولا استحلوها والباقين راحت عليهم. ويوم قريت الموضوع اكلت معي والله وقلت ابا انزله إمكن يجي من وراه خاتمه.وإن شاء الله إنهم يصل للي يخاف الله من المسئولين ويريحون العالم من الشر هذه.


اما عن الفكه مني.فالله يهديك يابن خيشوم لن لا صار اللي تقوله عز الله ما تبا تلقى وقت تكتب فيه مواضيع لا حزينه ولا غيره مير تبا تروح لقرب مسجد وتصلي وتدعي فيه إن الله يامنك لأن الدنياء تبا تقوم وتبا تشوف قصف طيرات ودبابات وإاربجي<<<< ههههههههههه بو عزيزي على غفله والله شكل النهايه يبون يرمون جثتي على الخط السريع ويقول ماهو بمنا ولا نعرفه ولا يمثلنا وهوه من وين جاء ههههههههههههه<<مثل قصة الدوسري.




والله يعطيك العاااافيه.ياحمود على المرور ولاهنت.

أخوي نيزك الله يعطيك العافيه.في مشاكل الاراضي هذه هو الحل الوحيد (إنك تجيب ورعانك وحرمتك وتخليهم فالبيت)لأنك لو ماسويت كه وقعدت دون أرضك بذراعك أو حتى بسلاحك تبا تجيك الشرطه اللي مع البلديه وتقشك للقسم وتلبطك قضيه ثانيه ولينك اللي أكلتها سجنه ضلم والشيولات تهد البيت لاكن لا كان ورعانك ورحمتك فالبيت ما يقدر يهدهه لو أيش لأن فالبيات ارواح ولا يقدرون يخشون يضروهم الشرطه لأنهم يعرفون إنك منت مخليهم يقربون أهلك لو تروح روحك لأن العسكري يبا يخاف يسوي شي لأنه يعرف إنك منت بساكت وإمكن تاخذ روحه حزتها وبعد ويخافون لا تكبر القضيه وتاصل للي فيهم خير ثم ما يهتنون إبها وهذه الشي اللي ما يبونه.لنهم يبون يسرقونها سكتي من دون لاحد يدري.مثل قصة الفهمي اللي قبل كم سنه في مكه اللي جو يبون يهدون بيته وخلا ورعانه فيه وجوك العسكر واضهور ورعانه بالغصباء وهدو البيت ويوم إنهد وهو ياخذ واحد من ورعانه ويرسله مع عمه عشان يدسه ثم يصيح يقول لي ورع جووه والله ما اتنازل عنكم وسواء زحمه قامو ذلوو وقعدو فوق خمس ساعات يشيلون فالطوب ويدورن الورع ولا لقوه ووصل العلم للملك عبدالله الله يعطيه العافيه وقال الاراض ياخذها الفهمي وبعدين صاح الفهمي وقال لقيت الورع اثره ماكان فالبيت هههههههههههههههههههههههه ورجعت له الارض
وهذه اللي دايم يسونه اهل الاراضي في كل مكان عشان يضمنون حقهم.ولو تبا تشكي انت تشكتي من تشتكي رئيس البلديه او رئيس المحافضه وانت مشلفت كيف تبا تاصل القضيه للجهات العليا وانت ما حولك وااسطه؟؟؟؟وثم ما تدري إن اللي يبون يزيلون الاراضي راحو لهم لواحد من قضاة القصمان ودفوه بكم قرش وقال الارض إلكم واثرهم صكوك وسنع أمورهم .لاكن ما نقول إلا الله يعينهم ويقويهم ويفكها في وجيههم هم وجميع المسلمين.


ونتمنى نشوف وقفه من كل هل الخير.خصبه الشيوخ(الشيوخ اللي عليهم العلم)مو اللي شيخته بختمه بس



والله يعطيك العااافيه يانيزك ويبيض وجهك على مشاعرك الطيبه وكثر الله من امثالك .

أهم شئ انها ماتكون في أوديه

يا أخوي ماهي في درب وديان ولا شي مير المقصد منها السرقه والإزاله على الضعوف لاكن الله يبيض وجيههم وقفو دون حقهم وطردو الحراميه لاكن الله يستر من الجاي.


واما عن الكلام اللي يقولونه أحيان في بعض المناطق إنها وديان تراء كله كذب وانا اخوك مير هذي حجه لسرقه بس وقد سمعت من ريجيل عن اراضي أزلوها في طرف مكه عشان وديان وبعد مده مسوين فيها مشروع تجاري؟؟؟؟



والله يعطيك العافيه يالذيابي على المرور ولاهنت.

ويعافيك وأنا اخوك

والله كلامك له وقعه على نفسي
ولا لي رد إلا حسبي الله عليهم اللي خلونا نوصل إلى هالمراحل
والله يامودع دنياه أنا كل شوي أتعلم منك شي
مشكور والله يكثر من أمثالك