عسى السحاب اللي مزونه مراديف
 

هذه مشاركة جديدة آمل أن تحوز على رضاكم وإعجابكم


عسى السحاب اللي مزونه مراديف.................يسوقه الغربي على دار أهل نوف
تسكن هواه ولا تجيــه العــواصــيف..................لو مر بيت الــبدو مايلــحقه خـــوف
بأمر الإله مصــرف الــكون تصريـف..................يضفي من العارض الى نقرة الجوف
على مداهيــل البكــار المشاعيـف....................وضحاً تخلي راعي الصنف مشعوف
ليا مشن مع روس هاك المشاريف...................تخالهن عــقداً مــن اللول مصفــوف
الله خــلــقها ثم عــطاها تواصيــف......................جــرد الرقــاب لــحيها كنها سيــوف
ليا مشت مع خايعاً جــرهداً ريــف......................يعطيك من تصويرها غــاية الـشوف
زبـونها عــند الــرجال الــعواريـــف.....................قلبه لها من بد الأصــناف مـخطــوف
في حبها ترخص جميع التكاليــف.....................ولا حسب ريالاً على الوضح مصروف
تمـت وصــلو عــد مايبرق الصيـف.....................عــلى نبياً بأفــضل الــهدي معــروف

المــوج\أبـــوحـــاتــــم

..

صح لسانك يا ابوحاتم

ولاهنت ،،،

فهد العازمي صح بدنك ولاهنت على مرورك
الـــوج\ابو حـــاتم

متعب الند صح بدنك شكرأ على مرورك
الـــموج \ابو حـــاتم

سعد المسعودي صح بدنك وهذا الاطرا من ذايقتك الشعرية
ولا عليك زود في ماذكرت
الـــمـــوج \ابو حــاتم

الموج ابو حاتم صح لسانك

قصيده جزله وعطاء راااائع

لاهنت وننتظر جديدك


تحيتي

صح لسانك يابو حاتم

قصيده جزله من شاعر جزل
وبيض الله وجهك