سلام وأبا أقدم المعذار واللي صار خيـر=في سد وجهي كلمتي ما أحط وجهي سدها
ياربعنا ياثقلها الحمله على ظهر البعير=من غير قصد وغير مقصوده وتبت يـدها

المشاركة الأصلية كتبت بواسطة بناخي الايداء (المشاركة 1225310) عبدالمجيد الثعلي صح لسانك تحيتي

يامرحبا بك والرجل يبقا على روحه بصير=والكلمه اللي تستحي منها تعال وبدها
يشتالها ولا على ظهره تظلي تستدير=ولا على طول الزمن لظيه يجمل حدها

العلم فوق الجدي وأسفل غبة البحر الغزيـر=راحت مع اللي راح لكن ردها وإرتدهـا
اللي يبا يحرم ترى الميقات فالسيل الكبيـر=وكف اليمين الطايله دائم مجمل مدها

ماني ملحقها الحسايف دام يشعاها الصفير=نفس العزيز مكرمه صعبه يبيح سدها
ماهو ضروري والمواقيت اربعه غير الاخير=ان كان تجهلها حياتك ما اخلفتك بكدها