ابوي لشاعر \ احمد بن غازي بن عبيد بن بخيت الشيباني
 

ابوي رباني على الطيب والجود

ماهو مربيني بطبع الرخامه

يا ما نصح ويصيح يا وليدي الفود

دنياك هاذي ماتجيب السلامه

خلك قوي الباس عالي كما الطود

ولا خير في رجلن رخيصن مقامه

لا ضاع قدرك رحت في سهود ومهود

وراسك يعود مثل راس النعامه

افهق هل الطالات لا تحسب الزود

وعزي لمن يحسب دنانير عامه

جيبك يعزك يومه العز بنقود

والبخل ذلك والكرامه كرامه

يا ابوك تكفى ارقى سنودن على سنود


والرابح اللي مكسبه بالزعامه

و يابوك عين اللي من الوقت ملهود

لا ثار دخان الزمن مع عسامه

واعط الحقوق الجار من غير مردود

خلك على الجيران مثل الغمامه

لا تعاشر المقرود وتصير مقرود

حتى الردي في وسط وجهه علامه

صيتك على دنياك ولا على لحود

من صغر سنك لاتعقب هدامه

الطيب باقي جوف دنياك موجود

احرص على فعل الكرم والشهامه

عاشر هل الحكمه صناديد وفهود

لا تعاشر الخايب وتسمع كلامه

واذكر زمانن فات بافعال وجدود

واحذا حذوهم واعتبرها قرامه

وادرا كلامك لا يجي فيه منقود

السانك حصانك ولابه ملامه

هذا كلام ابوي صغته على جود

ابيوت شاعر والمراجل مرامه





وسلامتكم ،،،





منقوووووووووووول ..

,’


لاهنت يابن مشيب

صح لسان الشاعر وصح نقلك يابن مشيب

مرحبابكم ويشرفني مروركم على القصيده والرد عليها وان شاء الله نكون عند حسن ظنكم بأذن الله

السلام عليكم ورحمة الله وبركاته
^&)§¤°^°§°^°¤§(&^يسلمووووووووووووووووووووووووو كـــل___ك ذوق ^&)§¤°^°§°^°¤§(&^

..


صح لسان قايلها

ولاهنت يا ابن مشيب ،،،

.. يَ مرحبابكم ويشرفني مروركم وصراحه عدد المشاهدات اثلج صدري تقبلوا تحياتي اخوكم / عبدالله الشيباني