ياربعي العتبان تاخذني أفكار=فاللي يبيح مشاهدك ياسميره
خبيث مخبث منه وإن طار ماطار=ياللي تدوّر من ورى الربد غيره
اللي عهد له بسنّه لسيد الأطهار=والله يراه وزان للعبد زيره
قولوا تبوّء مقعدك حطبة النار=اللي يزوده في فجوره ضميره
ياخادم البيتين للحق بتار=الياشهر مماتسر السريره
ماهوب يحسب له على الكشف دينار=ولاهوب زيت اللي مضرّيه سيره
مما إبتلينابه على شوف الأنظار=حط اليهودي في ديرنا حظيره

يالله إهديني صراط المؤمنين=وإعف عني يامحب للعفو
كل مالدّيت للقلب السجين=ونفسي اللي آمرتني بكل سو
رحمتك يامن وسعت بها جنين=دفنت أمه والعرب عنها قفو
ماقضيته ماضي في كل حين =لو دروا الثقلين والا مادرو
خادم البيتين رمز المسلمين=احفظه واحفظ عباد له دعو
أصلحه وأمسكه بالحبل المتين=وإعصمه ممّن عباد لما إشتهو
ولاترينا مارآه الغابرين=مترفيها لانويت بهم طغو
مالغيرك يا إلاهي سائلين=وأنته الباقي وغيرك مابقو
وبعدها لو جاز لي عند اليقين=بنشدك ياخادم البيتين لو
وش دعابه مسلمين صايمين=وكم هم اللي عند شوفتك افرحو
والله إنّها للرجال الصادقين=مثل من يحفظ صبوحه فالنّحو