الهيـــــــــــــلا *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   المحاورات المنقولة الكتابية والأراء النقدية (http://www.otaibah.net/m/forumdisplay.php?f=66)
-   -   صقر سليم و سلطان الجلاوي ياصقر لايبكي العود لو مات ولده (http://www.otaibah.net/m/showthread.php?t=130583)

سيف السليس 24-Sep-2011 12:54 AM
صقر سليم و سلطان الجلاوي ياصقر لايبكي العود لو مات ولده
 
السلام عليكم ورحمة الله وبركاته

طاروق بين الشاعرين
صقر سليم و سلطان الجلاوي




صقر سليم
ياسلام وبيض الله وجهك يالجعيد=يالكريم اللي على الجود طايلةً يده
صاحبي سلطان جاني عنه علمً جديد=فزعته عشرين بالانقراض مهدده

سلطان الجلاوي
عن عتيبه كلها من قريب ومن بعيد=مرحبا ترحيب برقه مايفصل ورعده
صاحبك سلطان من كثر خيره تستفيد=مايهم العلم تبديه ولّا تجحده

صقر سليم
يالجلاوي خل قلبك على الدنيا حديد=الحياه محدده والوفاه محدده
وين خيرك وين لعل خيرك مايزيد=كل واحد عايشً في حياته بجهده

سلطان الجلاوي
لاتوصي ياصقر واحدً راسه عنيد=يحتم الميقاف والسيف دايم يجرده
كيف تنكر وانت من خيرنا عندك رصيد=ياصقر لايبكي العود لو مات ولده

صقر سليم
لاتقول السيف مدام فوق يديك قيد=كيف تقدر ترفعه واليدين مقيده
لو يأذن لك حبيب ويأذن لك رشيد=العصيمي مايوليك فرصه وحده

سلطان الجلاوي
سيفنا معروف ماهو من غصون الجريد=لو يشوفه شاعر سليم مات بمقعده
المهم اسري سليم لو اني وحيد=لو يصيرون الثلاثه جميع وفي حده

صقر سليم
الله اكبر كن في يدك سيف بن الوليد=مامعك غير القديمي وفيك مردده


http://www.youtube.com/watch?v=ArBcF7qv4rs


ابو فايح التحليل ضروري :D



أخوكم : سيف السليس

محمد الذيابـــي 24-Sep-2011 05:07 AM
,’


طاروق مميز ياسيف لاهنت


,’

عبدالله جبارالعتيبي 24-Sep-2011 05:21 AM
طاروق طيب
ومايحتاج تحليل ياخوي سيف السليس
واضح
وبيض الله وجهك على النقل

ابو فايح 25-Sep-2011 02:45 AM
الطاروق عن التحزبات الشعريه


هذا ما يتضح لي وربما وراه مقصد أوضح وأخص من ذلك



لكن لفت نظري كلمة ( مقيده ) في أحد أبيات صقر سليم ما تجي مع القافيه من وجهة نظري

محمد العتيبي11 25-Sep-2011 05:33 AM
محاوره حماسيه ومتماسكه

وهي من افضل ملاعب الجلاوي

الذي بداااا يتميز

وصقر لا يهضم حقه

مميز من بداية ضهوره

فايز بن سرحان الثبيتي 26-Sep-2011 01:16 AM
لاتقول السيف مدام فوق يديك قيد
كيف تقدر ترفعه واليدين مقيـده
لو يأذن لك حبيب ويأذن لك رشيد
العصيمي مايوليك فرصه وحـده


اعتقد ان السيف رمزية للشعر والقيد رأي الشعراء وشهاداتهم للشعراء الشباب والبيت فيه استمرار للمعنى المطروق من صقر سليم حول شاعرية الجلاوي واعتراف شعراء عتيبة الكبار بها بداية من البيت الاول (فزعة العشرين ) وانتهاء برأي حبيب ورشيد ومستور "


الجلاوي ابلى بلاء حسن في المحاورة ولكن الاحظ كثيرا مايطرقون الشعراء مع الجلاوي هذا المعنى


الساعة الآن »05:41 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd