الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   ملح الهرج ( بطاقة وطنيه ) (http://www.otaibah.net/m/showthread.php?t=130523)

سعد المسـعودي 22-Sep-2011 06:41 AM

ملح الهرج ( بطاقة وطنيه )
 
..


..


..


..




أية جمال الحسن رسـم(ن) وتركيـب=في روعة التصوير مضرب مثالي
تذهل خيال وفكـرشرح المناديب=وتسلب ذو الألباب سحـر وجمالـي
والخط واضح في سطور المكاتيـب= ولجل النشامـى صغتها للكمالـي
ومن نادرات الدر جـزل المحاضيـب=كسيـت هامتهـا زمـرّد ولا لـي
وفي مثل هاذي فايق الفكر مايغيب=يحضر سطر وإن شاش رأسي أهبالي
صاغن بنات الفكر قولي بترتيب= أصرف من الغالي جنيه وريالـي
طرق ٍ ومبدأ عـز ماهـي هناديـب=من مدلهمـة وسـم نـزف الجزالـي
واللي وراء عوج الضلوع المهاديـب=حب ٍ جرى في عرق دمي وسالـي
أحساس نبـراس الفخـر للمكاسيـب=الـدم مسلـم والعـرب رأس مالـي
حب ٍ ينومس.. ذابـح الشـك والريـب=لأني سعودي رافـع الـرأس عالـي
ولأني سعودي مسلم وعادتي طيب= هنيت بالفرحه على كل غالي
وأجـدد البيعـه وأهنـي المعازيـب=أخـوان نـوره محتميـن التـوالـي
عطرتها بالعـود الأزرق تراحـيـب=لأفراحهم تبقـى سنيـن ٍ طـوالـي
صقر العروبه ياعطيـب المضاريـب=طاعتـك وال الأمـر طاعـه لوالـي
ياخـادم البيتيـن بالمسـك والطيـب=ياحصنهـا لاصك جـال ٍ بجـالـي
بلسم دواء كل الجـروح المعاطيـب=لأنك ملك وإنسـان ياخو العيالي
ياتاجنـا ياعـد صافي المشـاريـب=رايح سحاب المـاء قـراح ٍ زلالـي
أنت الكرم والجود بيـت المواجيـب=من طيـب قلبـك ماتـرد السؤالـي
يا ستر ترفات العـذارى الرعابيـب=في عسـر سـود وقاسيـات الليالـي
وسلطان كف الخير مدمي المخاليـب=عضيد ابومتعـب بمال وحوالي
ولال الصعايب غيـر حـرش العراقيـب=للمعضلـه يبـرك يشيـل الثقـالـي
كف العطـاء وإن مدهـا للمقاضيـب=يارد على الجمـه رهـاوي الحبالـي
وإن ذكر نايف قلت نعم الأشانيب=تشهد لأبومحمد عظيم الفعالي
من حاربه يبشر بفصل التلابيب =أمن وأمان بحنكته لاجدالي
ولاهان حاكم نجد رجل الأصاعيب=هوسيدي سلمان ذيب الرجالي
كل (ن) على جيله وينقل تجاريـب=تاريـخ يـروى بـاقـي ٍ لايـزالـي
وياشعـب هيبـه تعتلـي فالمجاذيـب=ياشعبنا المخلـص مـن أول وتالـي
شعب السطر والفعل يوم المحاريـب=والنعم وإن جـاء للسعـودي مجالـي
الله خلقنـا مانسـاوم علـى الغيـب=طبـع التطبـع مكرميـن السبـالـي
ماننقل المحـزم رصاصـه مكاذيـب=نارد حياض المـوت والمـر حالـي
ونقل الهدف كسر العظام المصاليـب=ومحرمـات الـدم شـرع الحلالـي
حد البحرلين البحـر شـرق تغريـب=ومن يامها حتـى الحـدود الشمالـي
مادامها تطلع علـى الكـون وتغيـب=إلين تشرق شمسنا من زوالي
بيرق وكلمة حق .. نخلـة مناصيـب=في رايـة التوحيـد رمـز المعالـي
هامـات دار العـزرووس المراقيـب=من دونهـا ترسـي رواس الجبالـي
ولشوكة العـدوان منقـاشنا مصيـب=أخساهـم الواحـد عظيـم الجلالـي
ندحرفكر واهم يجينا بتخريب=عيـون نكحلّهـا بـرووس الخـلالـي
للذل والحقـران والضعـف والعيـب= يامرذله ياشرذمه ياأنحلالي
والطيب يشقابـه صعيـب المطاليـب=ولايجـي حسـب الأمـل بالمنـالـي
والصدق ملح الهرج غايـه وتوجيـب=والقلب نبـض الرجـل دق وجلالـي
وبديت قولي طيب وختامها طيب=وصلوا على محمد ختام المقالي













أخوكم : سعد المسعودي



(الحرالأشقر)

سعد بن مطلق المقاطي 22-Sep-2011 11:11 AM

صح لساااااااااااانك على هذي الشامخه لك من التقدير اوقره

محمد الذيابـــي 22-Sep-2011 05:38 PM

,’


صح لسان شاعرنا الرائع سعد المسعودي.



ابداع غير مستغرب من مبدع.


لاتحرمنا من جديدك يالغالي.



أخوك.



,’

سعد المسـعودي 23-Sep-2011 11:29 PM

اقتباس:

المشاركة الأصلية كتبت بواسطة سعد بن مطلق المقاطي (المشاركة 1222739)
صح لساااااااااااانك على هذي الشامخه لك من التقدير اوقره

أبومطلق
أرحب تراحيب المطر
ولاهنت حيال هذه المداخلة المشرفه
فصح بدنك ولاهان رأسك

أحتراامي

قـنـاص الـقـوافي 23-Sep-2011 11:46 PM

الله الله
صح لسانك يالمسعودي ولاهنت
دائما وافي وجزل وتبهر متابعينك
في الحقيقه اخي الغالي انا اردت التواصل معك لغرض ٍ ما
فراسلتك على البريد الالكتروني الموجود على توقيعك
فهل هذه هي اسهل طريقه للوصول إليك, بما اني لا املك الصلاحيه
لإرسال رساله خاصه للأعضاء كوني جديد في المنتدى
شاكر لك واعتذر عن ازعاجك

عبدالله بن هملان الغامدي 23-Sep-2011 11:53 PM


الله الله الله صح لسانك يالمسعودي

معجب بالقصيده إلى حد الأنبهار بيض

الله وجهك وتقبل مروري المتواضع

سعد المسـعودي 24-Sep-2011 03:22 AM

اقتباس:

المشاركة الأصلية كتبت بواسطة محمد الذيابي (المشاركة 1222825)
,’


صح لسان شاعرنا الرائع سعد المسعودي.



ابداع غير مستغرب من مبدع.


لاتحرمنا من جديدك يالغالي.



أخوك.



,’


الجزل : محمد الذيابي
الله لايهينك .. حيال
مداخلاتك المشرفه ..

فصح بدنك ولاهان رأسك

أحترااامي

عبدالمجيد النفيعي 24-Sep-2011 06:16 AM

قصيدة لاتمثلك وحدك ، تمثلنا معكـ ، صح الله لسانكـ يالحر الأشقر

فيصل مطر 24-Sep-2011 01:53 PM

حب ينومس ذابح الشك والريب=لآني سعودي رافع الراس عالي

ونعم يالحر الاشقر وصح لسانك

تقبل مروري

الموج 24-Sep-2011 11:57 PM

صح لسانك ياسعد على هذه القصيدة الرائعة
والجزل دايم جزل
تقبل تحياتي
المــوج\أبـــوحـــاتـــم


الساعة الآن »10:47 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd