سلامي على فيصل سلام ٍ يصف احساب = ومن لايصف احساب ماعاد نبديبه.
تغيب النجوم ونجمنا فالسماء ماغاب = يانجم السعد ياللي عرفنا هناديبه.

هلا مرحبا بك في محل ٍ وسيع الباب = يغني بها منهو بدبرة معازيبه.
انا وانت ياصياف هذا الليال أصحاب = كماانك لياشفت الك طرقي تحييبه.

ترانا رجال وسيفنا يقطع الارقاب = ولكن ذاك البشت لاعاد توميبه.
عرفت الدروب البيض يوم ان راسك شاب = منول يروح الليل كله ماتدريبه.

والا ياحروب اسيوفكم مالها مضراب = مغير الزبون اللي على الجنب توميبه.
سلامة عظامك من وجعها وسم الداب = تناسيت منا فرضك اللي تصلي به.

تبا تاكل العربان لكن مالك ناب = كسرها ولد حربي طوال ٍ مشاعيبه.
توقع عليك الهون لاتقطع الاطناب = تطيح الخيام وتالي الليل تسريبه

تناسيت وقت ٍ فات والله شديد اعقاب = آثر من يكب الدرب تحفى عراقيبه.
علشانكم ولعت مشهاب من مشهاب = ولكن ابن عواد أنا ويش اسويبه.

تبا تمسح اللحيه وتفتلي الاشناب = تحسب اني اللي تاخذ ثم تلويبه.
كتبنا لك ارسالة عرب في جناح اغراب = وخيم عليك النوم ماعاد تدريبه

انا ضربتي في صاحبي جرحها ماطاب = ضعيف الرجال اللي تغره هناديبه.
معي لاتطب السوق ياالتاجر النصاب = كفيف النظر والسمع معاد توحيبه.

جناحك نزل ياصقر يامكسر المخلاب = وانا غار اطالع في جناحك وثاريبه
تبا تتعب الاقلام واتعذب الكتاب = لقانا العصيمي وابلشتنا مكاتيبه.

والاياصحيبي دوب وقعت فالانشاب = اسندك مع وادي حنيفه وتنحيبه.
احملك حملة 00 ماشالها قلاب = زمان ٍ تبا تبكي وتشكي عواقيبه.

لاتزعل على الاصحاب تدريبك الاجناب = وانا ماني اللي يدخل الداب في جيبه.
قطعنا الديوس اللي منول لها حلاب = ولكن خل افلان يرفع محاليبه.

لوانك جبل سنجار عندي تراك ذباب = ابا اشرحك للي يوصل العلم ويجيبه.
وانا ماشريت الهينه من يد الجلاب =وابو سالفة يسرح بعلمه ويمسيبه.