الا ياصاحبي يابن اسعود العب على الطاروق=وحرك هاجسك بالشعر والشعار موجوده
اثر كبد الردي فيها حروق وخاطره محروق=عسا الرديان يابن سعود معدودة ومحدوده

ابلعب معك فالطاروق وادخل معك وسط السوق=نبيع ونشتري في سوق غالي كل محموده !!!
نبا نطلع على سطح القمر/ قدر النشاما فوق=ونبعد يامشاري مانقرب كل منقوده !!!

انا مبغاك تلبس يالعتيبي مشلحٍ مشقوق=وتمشيبه مع العربان فالباحة وفالسوده
ترى برقا على سطح المفاخر ثابته مع روق=وبعض الناس مهما صار فالاوضاع مجحوده

ولد مرزوقه اللي فالتجارة تشتغل( مرزوق)=لكن الناس تال الوقت يارجال مقروده !!!
كلامك صح وانته ماتعلّم واحدٍ مطفوق=بنيناها سوى يوم الردي ماتقدح زنوده !!!