أخت من فن الحساب اليساوي=وفهمت معنى سين من سين ياسين
ولقيت حاصل ضربها ما يداوي=الا كبود اهل العيا و المساكين
والا الغناوي عن حممها غناوي=لو ان في نفسه علينا سكاكين
اما هوا اهواين يشوق النداوي=والا شهر يلوي جناحه حمر عين
ماهوب ابا الغرات شين الهقاوي=اللي على خلق الله يدرج الشين
نذلً على هذي و هذيك ناوي=وحنا نروح يسار و نجنب يمين
خوفً من الله يارسول الدهاوي=والا ترانا عند هذي بعارين
كم فارسً فجت ضلوعه يلاوي=لجل العزاز ولجل من سبل العين
وكم بارقً معنا يلوح سماوي=حنا ذراه و باقي الناس دارين
واللي جحدهنه مغلن عماوي=عقبك .. درينا ان جاله لسانين
واليوم يومك يالغشيم السحاوي=سولف و تلقالك خبولً مغلين
هذي علومي ياسراد اليساوي=ياغاوين يقفع ورا الزين و الشين

المشاركة الأصلية كتبت بواسطة سعد المسـعودي (المشاركة 1222170) أرحب يابوموسى .. ملااااايين ... >>>>> الله يرج شيطانك يامحمد خخخخ متوقف لي ... حول ربع ساعه ... أما صدر بيت المدخل : أخت من فن الحساب اليساوي >>> أخت .... قلت لنفسي السالفه أكيد فيها لغز .. وش دخل البنت ببداية الشطر.. ولالها أي موقع أثر فالقصيده .. خخخخخخخخ أخيراً وبعد جهد جهيد .. أكتشفت .. إنك تقصد ( أخذت ) >>> ولكن الحمد الله تم أكتشاف المشكله .. ولا لتطيح الشمس وأنا أدور على تعليل لدخلة ( البنت ) خخخخخخخخخخ ..... الله يبيض وجهك .,... نص بكل المقاييس فاخر .. ... اللي على خلق الله يدرج الشين .. هنا ... الشطر أكيد هناك .. حركات تلوين .. أو ماشابه ذلك لم تتضح لي كما ينبغي .. لان الشطر مامشى على البحر .. .. أخيراً لأقول إلا شاعر بهذا التمكن يهمنا كثيراً إلتواصل .. فلاتحرمنا من هذا الإبداع الراقي وصح لسانك لين ترضى .. أحتراامي

المشاركة الأصلية كتبت بواسطة محمد موسى المقاطي (المشاركة 1222183) حياك الله يالحر الاشقر وعزالله حر اللي صدت الحرف اللي غاب عني حال كتابتي لكلامي بلهجت ربعي وانا فخور بمرورك و بمتابعتك وصح بدنك لين ترضى والله يلهمنا الصواب والشطر اللي ذكرت أدخل عليه كلمة (إيدرج) و تلقى صيدي و دمت أخوي سعد.

هذي إشادة من شاعر كبير


يالحر الأشقر


والله يحييك و مما يشرفنا متابعت أمثالك لقصائدنا

إحترامي...... لهذا التواضع

صح بدنك يابو مطلق