الهيـــــــــــــلا *** منتدى قبيلة عتيبة - من كان للدنيا وللناس مبيوع عايش على زيفً ونفس مخدوعه

- شعراء قبيلة عتيبة (http://www.otaibah.net/m/forumdisplay.php?f=46)

من كان للدنيا وللناس مبيوع عايش على زيفً ونفس مخدوعه

البارحه نومي على العين ممنوع
سهران يوم اللاش عينه هجوعه

والقلب مابين المقاويس مشلوع
شلع المحاله للرشا دون طوعه

والهاجس اللي له متاريس ودروع
شوارد الافكار جت له شفوعه

ماجور ياللي تشكي الهجر واللوع
ياكم مثلك شاف فالدهر لوعه

والوقت هذا يشيب الطفل ويروع
دارت رحاته والبشر له خضوعه

الله خلق للأدمي عقل وطبوع
وكلن على ماقيل تعرف طبوعه

احداً يعيش الوقت مغرور مخدوع
ماعاد باقي له سوى حب كوعه

واحداً يعيش ويشعل العز بشموع
وعلى الوسيعه بّيناتاً زروعه

والمسعد اللي مكمل الزرع بركوع
وفي حزة الآسحآر يكثر ركوعه

ومن كان للدنيا وللناس مبيوع
عايش على زيفِِ ونفس امخدوعه

عايش على الأطلآل بالغير مدفوع
كما هشيماً مابقى الا جذوعه

ياللي تحسب انك من الناس مطموع
لارزاق غيرك ليه نفسك طموعه

حكم ضميرك والغلط دؤم مرجؤع
ؤ الله قسم للعبد شبعه وجوعه

مــع تـحـيآت أخــؤكــم ..:

مقبل بن سلطان المباركي العتيبي

صح لسانك يامقبل

إذا كانت القصيدة لك اطلب نقلها لقسم قصائد الأعضاء .

وان كانت لشاعر آخر اكتب اسمه تحت القصيده

واتمنى التوفيق لك

صح الساااااااااااااااااانك يامقبل وبيض الله قصيده جزله من شاعراً جزل وتمنالك التوفيق

صـح بدنك اخوي

مـحـمد الذيــآبـي .. وايه نــعم القصيده لي

واطلب نقلها الى قسم قصصـآئــد الأعضـآء ولك جزيل الششكر ..

اخوي ذعير العــآلــي ..

صـــح بدنك وتسســلم اخوي

والله يوفقــك :)

صح لسانك ابو سلطان وبيض الله وجهك ..

على هلقصيده الجزله المعبره ..

صح لسانك يامبدع

قصيده رائعه

تقبل مروري

تحياتي لك