,,

الايانــديمي فـز والطير وقتــه حــان=على قاع ( لــيــنـا ) بـالعزم دقّـت الساعه
معي غن بالمنكوس وازهل لي السكان=شرينا ثمان كــروز وفـــالـدرج ولاعـــه
تفقّد معاميلك وحـرّص على الـرسلان=نبي فرجةٍ مـنـهـا الـمطافيق مرتاعه
ولا تشري اللا ما تـوّرد مــن الـخـولان=وحذرا تـكـاسر سـعـرها عـند بــيّاعــه
وما ينقصك لاتستحـي قل !,, ترانا آخـوان=لعينك عصــيّات الـمـقــاديـر مطواعــه
ولا لي بـهــا مـنّـه وربــي هــو الـمـنـان=هذا حق من له حط في قلبي أوداعـــه
علي زادك وشربك قم أكرب على الطليان=على الصيد كلٍ في السحر صفط أشراعه
لعينا العديم اللي اعـتلا تكـيـة الـنـيـسان=عقب طول مقياضه مـعـشّـاه بــذراعــه
ليا من كشفنا برقعه عن نضـر شـفقــان=يـشـادي سـنـود أسـكـود لاهـم بـ اقــلاعه
ليا كوبرت واستـعدلـت تعتـلـي الـجـيـّان=فـراها القطامي مـن مخـاليــب بــتّـاعــه
ليا صوّبــــه فالجو ريشــه غدا دمّـان=يـخـالـط فـضـاه اقتام قـوة تـهـيـزاعـه
ونصيحة فطين القلب سيقت بدون اثمان=معي لو سمحت شوي ركز ربــع سـاعــه
تــواضـع لـوجــه اللَـه ولاتـنـهـر الـجـيعـان=وتـم الـفـروض الـخـمـس واكمل له الطاعه
ولا نــاحـت الجـيران لاتنـتحـي الـجـيـران=تصبّر ترا الاجواد للــطــيـب طمّـاعــه
ولا اوحيت من بنك الجمايل صهيل أحصان=ليا من بـرز بالــصـاع دبـّل علـى صــاعــه
تجنّب من المقرود وانته تــرا الكسبان=على من يذم اللي سرى يقفل اسماعـه
حذاري تبوح الـســر لـلـكــاذب الـخـوان=يــصونه طوال الليل وليا ســرح ذاعــــه
انـا اللي حداه الوقت مــن بـدّة العربان=ضـروفي تـعلق لـه عــلى رأس شماعـه
ولا كل من غنـا له المستـمـع طـربــان=وانـا سلعتي من غالي السوق مـنـبــاعه
سبحت البحر والجذب لولوه والمرجان=خـيـالي على حد الشفق زيين مـطلاعه
انا أسبح سوات الحوت وأكفح مثل حوران=مايذبح قواه الجـو لا هبّ ذعـذاعـــه
ومن يستمْع ما هوب من شاف بالاعيان=ولا تـتـبـع اللــي للدنافيـس تــبــّاعـه
تـجـارب حياتي للنصايح عـطـت بـرهــان=ولا يبــخص الصـكّــات من قـلــة أوجاعه
وباسي وراسي قاسيٍ مابعد قد لان=ولـو لان جـزيّـتـه من السيف من قــاعـه