بمناسبة ترشيح ابن ذايب اليوم=أبا أكتب بقسمه لعينه قصيده
ياهاجسي حث الهناديب حثلوم=تمشي على مافي ضميري واريده
وأعرف يقين من الخطأ ماأحد معصوم=حتى الثقاه اهل الصفات الحميده
دنيا دوائرها مقادير وسهوم=يبلش بها صيد العصا والوليده
لا نعمةٍ تبقى ولا نكبه تدوم =جحرٍ لدغ راس اصبعك لا تعيده
من لا دخل مع كل مدخال باسلوم=ماتهتني عينه بنومه سعيده
الراس رفعه طبع في نسل خيشوم=يثنون زمات النفوس العنيده
مدحت من ماتوا وأنا من أوسط القوم=مما سمعت يفز قلبي وأعيده
ومن لا حدا عن هيبته يلحقه لوم=من ربعه الادنين والا البعيده