يسعد صباح الشمس .. مع طلعة الشرق= شمس ٍ صباها نور طلعت جبينك
بينك وبين الشـمس .. في طلّتك فرق= فرق ٍ حماره .. فارق ٍ شفتينك
في طلتك بدر الدجــاء يحترق حرق= وأكيد سر البدر .. بينه وبينك
وأنا طرقت الطرق لجل الغـلا طرق= في روعة أســمك .. بس للــه دينك
أيوه ياللي تســرق ليالها سرق= وأسرق ليالك في رجـاوى حنينك
تبرق وترعد .. والرعد يسـبق البرق=حتى غدت أرض السـماء كفتينك
ولون الزراق اللي صفاء بالسماء زرق=مايشــبه إلا ّ .. دمع عيني وعينك
جريت صوت ٍ جـاوبه نايح الورق=وصحيت جرح ٍ لوعته من دفينك
رمح المواجع فالحشـاء زارقه زرق=والقلب حاديه الدرك من سنينك
طال الغياب اللي درق غــافله درق=لاحل طيف الفكر ناداك وينك ؟
تعال بيتك فالصدر سـلمه وأرق= وأجمع شتات آخر بقايا رهينك
وأشعل قناديلي من الغرب للشرق=نور الفرح من نور طلت جبينك

المشاركة الأصلية كتبت بواسطة محمد الذيابي (المشاركة 1220198) ,’ صح لسانك ياسعد أو يالحر الأشقر. أسعدتنا بهذة الشامخة يالغالي . ,’

المشاركة الأصلية كتبت بواسطة حمود بن خيشوم العصيمي (المشاركة 1220203) صح لسانك أبدعت وخالقك تحيتي

المشاركة الأصلية كتبت بواسطة فهد الشيباني (المشاركة 1220276) .: صح السااانك ياسعد شامخه بشمووخ شاعرهااا ابدعت يالجزل