اه من وقتٍ ظروفه ذيرني=وحيرني في الحياه وفي الممات
واه من قلبٍ هجوسه ميلني=يم دار الزين لباس العبات
والله ان هجوس بالي نوخني= ثم دكٌن من حلاه مسلهمات
لاطرالي يم عده زرفلني=ياردن ومن هواه مصدرات
كم راحن مابغن يعودني=وكم عادنلي هجوسي صايلات
والقوافي لاذكرته يلزمني=واتوجد واطلب الله الثبات
في ديارٍ كل مافيها امتحني=واطيب الاشيا تعود ملوٌعات
كيف ابسلا والغضي لاغاب عني=اتحرى والعباري هاملات
والطواري في غيابه يذبحني=وامراتٍ في هواه وناهيات
اتجمل في وجيه يجاملني=والحشى له عام في قلب الرحات
والرفيق الي هنيا مرجهني=يحسب ان نفسي ونفسه دالهات
مادرى اني خلف مزحي امتعني=وان عقيد الهم وصابي وصات
خبروه ولو خلي خابر اني=في وصاله آتلذذ بالحيات
وخبروه ان الهموم يغافلني=في انقطاعه والحنايا ظامرات
وذكروه ان غاب كوده لي يحني=ما مضاله في الليال الاولات
بعض الاشيا حالف انهن مايجني=يرخصني كان خلي قال هات
وبعض الاشيا ماحرصت لجمعهني=واهيف الخصرين عندي لي غنات
واه من طول الليالي واه مني=واه من قلبٍ تولع في المهات

المشاركة الأصلية كتبت بواسطة مرزوق حمدان العتيبي (المشاركة 1220119) .. . صح لسانك ... يامبدع تم التنسيق .... وطريقة التنسيق موجوده في موضوع مثبت فالاعلى امل الاستفاده

المشاركة الأصلية كتبت بواسطة سعد المسـعودي (المشاركة 1220202) الراااااقي : فااارس الدعجاااني راااائع بكل المقاااييس شاعر متمكن ... فصح لسانك ولاهان رأسك .. أحترامي

المشاركة الأصلية كتبت بواسطة فايز بن سرحان الثبيتي (المشاركة 1220379) صح لسانك يالدعجاني ابيات مميزه على بحر مميز "