| ابن صنهوت |
14-Sep-2011 03:32 AM |
يا ميزان هذي حالة الوقت يا ميزان,,,
اليكم هذه الابيات المتواضعه وهي رثا في بناخلي توفا فالصيف الله يرحمه
يا ميزان هذي حالة الوقت يا ميزان=وذي ستة المعبود بالحلق سبحانه
تدور الليال ولا لسود الليال امان=على مايقال الكل مديون ديانه
تصبر وانا خالك وخلك وسيع ابطان=تحمل ولو معك الدهر مال ميزانه
ولا جاك ضلم الموت حق على الانسان=عسا الله يرحم من بكينا على شانه
الا يالله المطلوب يالخالق المنان=وفي رحمتك كل المخاليق طمعانه
طلبتك يا علام الخفا يا عضيم الشان=تغمد فقيد كاسر القلب فقدانه
برحمتك جعله مسكنه جنة الرضوان=ولا ينحرم من جود ربه وغفرانه
وتجبر عزانا فيه يالله يا رحمان=رضينا بما جا منك والنفس قنعانه
صحيح ان موته فوقنا اثقل من الضلعان =هذا شبل اسود وارثن طيب جدانه
تسلسل من اهل الطيب ما يلحقه رديان=بنى بيت عزه من خواله وعمانه
خذته المنيه واطلب الله له الغفران=ويجبر عزا مزيد ويحفض له اخوانه
وسلامتكم |
