يالله يلي تلحف الارض بلحاف =وقت الربيع ويعجب الناظريني
تطلع بذور الارض من كل الاصناف=ريح النفل والكاد والياسميني
امرك مابين الكاف والنون والكاف=كن فى يكون الامر في كل حيني
انك ثبتنا على نهج الاسلاف=صفوة الامه قدوة المتقيني
وخلاف هذا وقفت الرجل تنشاف=ندحم ولانخشى بجنبن متيني
ابشر يابومحمد ولا ني بزهاف=قدر الوفى من فوق راسي وعيني
ياهاجسي مالك عن الطيب محراف=طبعك وطبع اجدادك الاوليني
لكن شد الحيل وتعب على القاف=الوقت ضيق والمعاني تجيني
ماني بلا مطلق ولاني بصياف=لكن بأمر الله نجيد السميني
قولن عليه اثبات والراي عساف=ان صخر القاسي حتى يليني
ولانعرض الجزله على غير عراف=تعرض على اللي يعرفون الثميني
في حفل اذي مرداس ماعندي اهداف=الا المعزه لاجل دنيا وديني
احفاد عودن فى المواقيف ماخاف=مرداس ولد حنيف ذرب اليميني
قد بان يوم ان الخصم يرجف ارجاف=يشهد على ماقول ماض السنيني
ويشهد اله برزان ماعندي اجحاف=صغير سن اورد الصامليني
يرهي على الساطي ولاينكف انكاف=الله يغفرله مع الصالحيني
ولامات من خلف ولايلحقه اخلاف=اللي على نهجه من الطيبيني
واللي بعد مبروك من صدق وانصاف=مبروك ثم مبروك لكل الثنيني
وبسم القبيله كلهاراس وطراف=يامرحبا بضيوفنا الحاضريني
يامرحبا واعداد من زار واطاف=على المشاعر كلها والقريني
حي الله الضيفان يو م الفرح ضاف=على وجيه ضيوفنا الغانميني

المشاركة الأصلية كتبت بواسطة عناد الشيباني (المشاركة 1218221) وعليكم السلام وصح السآآآآآآآآآآآآآآنك مبدع ياسعد لاهنت

المشاركة الأصلية كتبت بواسطة محمد الذيابي (المشاركة 1218243) بيّض الله وجهك يابو مطلق ابداع غير مستغرب من شاعر بحجم سعد بن مطلق المقاطي تقبل مروري يالغالي،،،،

المشاركة الأصلية كتبت بواسطة مرزوق حمدان العتيبي (المشاركة 1218272) .. . صح لسانك جزله يابو مطلق وغير مستغرربه تحياتي

المشاركة الأصلية كتبت بواسطة خالد بن مبيريك (المشاركة 1218344) صح لساانك ياسعد جزله من راس جزل بيض الله وجهك تحياتي