الزمان يدور والخيره خفيه =والفرج في غرة الصبر معقودي
ابذل المجهود والنيه مطيه =وللروابع شوح والمرقا سنودي
يارد الجمّال ويدلي دليه =مانشد ويش الصدور من الورودي
يدحم ويشرب من الجم الرهيه =ويروي كبودٍ وياسم له كبودي
والنجاح يزيد عزم ومعنويه =كل ما حصل على دربه حسودي
والفشل يعيش ماله قابليه =وصاحبه يذكر ولا هوب معدودي
ان لفى للقوم ماله مقدريه =وان تعدى قيل جعله مايعودي
لو قضى عمره على روحه وجيه =بالوجود وكن ماهو بالوجودي
والوهايب من عطا رب البريه =ماهي من السوق تشرى بالنقودي

للشاعر خليل بن هدلان

المشاركة الأصلية كتبت بواسطة محمد الذيابي (المشاركة 1218150) صح لسانك ياعلي والشاعر خليل بن هدلان علم من أعلام الشعر يتشرف منتدى الهيلا بشعر هذا العلم,, تقبل مروري يالغالي،،،،