هبال طيب ولا صحاوة رخامه لمسلط بن شعيفان ابو اثنين السبيعي
 

قالوا هبيل وجايزلي هبالي =هبال طيب ولاصحاوة رخامه

بيت اشتهر منذ زمن واصبح مضرب مثل للكثير

لاهنت يالقناص

وصح لسان الشاعر الكبير بن شعيفان

القناص بيض وجهك على القصيده وبودي اشارك معك في تكملتها :

بسم الله الرحمن الرحيم

هذي قصيدة للشاعر مسلط بن شعيفان ابو اثنين السبيعي
موجهها للأمير الوليد بن طلال




يامـيـر انــا عـنـدك حشـيـم وغـالــي
ولا احـب انـا شــي يـمـس الكـرامـه
نـفـسـي تـــروم المـرجـلـه والـعـوالــي
هـــذا هـــدف نـفـسـي وهـــذا مـرامــه
تاجـرت فــي بــاب الشكـالـه بمـالـي
بـعـت الرخـامـه واشتـريـت الـقـرامـه
أنـــا مـهـبـول وجـايــز لــــي هـبـالــي
هـبــال طـيــب ولا صـحــاوة رخـامــه
هـاذي تفاصيلـي وهــاذي خصـالـي
يـقـولـه الـــي مـازهــف فـــي كـلامــه
وانـا مقـامـي مــن عـزيـز الجـلالـي
لـلــعــز عـــنـــوان ولـلـمــجــد هـــامـــه
مــعــرب الـجـديــن عــمـــي وخــالـــي
مانـيـب مــن زرقـــان وادي تـهـامـه
ان جزت لـك فانـا الرفيـق الموالـي
وإن عفتني مسموح ومع السلامه
دور وتــلــقــالــك رفــــيــــق بــــدالــــي
وكـــل يـبــي رفـقـتـك تـرفــع مـقـامــه






عندما سمع الشاعر الكبير ضيدان بن قضعان هذا البيت




أنا مهبـول وجايـز لـي هبالـي
هبال طيب ولا صحاوة رخامه



قال قصيدة راااائعة جدااا يتمنى لو كان له



يقول الشاعر الكبير ضيدان بن قضعان




حـيـيــت يــــا مـســلــط كــريـــم الـسـبـالــي
مـــن هــــول بــيــتٍ يـسـتـحـق الـزعـامــه
بـــيـــتٍ تـمـنـيـتــه وهـــــــو مـــــــا يــنــالـــي
ودامــه خـطـف قبـلـي فـــلا لـــي مـلامــه
(( انـا أتـهـم أنــك سـارقـه مــن خيـالـي
فــي ليـلـة قلـبـي غــرق فــي مـنـامـه ))
لـــــو كـــــان وقــتـــي غـــرنـــي عــزتــالــي
وغــديــت طــيـــر شــابـــكٍ لـــــه حـمــامــه
وقــت ٍ عـلــى كـسـابـه الـطـيـب مـالــي
يـلـعـب بشـيـخـان الـعــرب لــعــب دامــــه
مـــــن اول تــــــذرى خـــشـــوم الـجـبــالــي
والـيـوم يغـنـي عــن ذرا الـضـلـع خـامــه
ومـــع كـــل هـــذا مـــا جـمـعــت الـريـالــي
ويــهــون مــوتــي دون جــــرح الـكـرامــه
واجـــــود بـالـيـمـنـى وتــجــهــل شــمــالــي
وهـبــال مـسـلــط يـعـطــي الــــراس زامــــه
حــي (( مهـبـول )) صـامـل مــا يبـالـي
ولا صاحي وقت الشدايد (( هلامه ))
الـشـعــر بــنــتٍ لابـــــو زيـــــد الـهــلالــي
وبـيـتــك يــلـــوح بـخــدهــا كــنـــه شــامـــه
(( أنـا أشهـد انـك سارقـه مــن خيـالـي
فــي ليـلـة قلـبـي غــرق فــي مـنـامـه ))