ياتل قلبي تل جيتي دباب=تله مرفع يوم شاف الحكومه
راكبه من قوم السوابق والأرباب=خايف من المسكه وتكشف علومه
باعه زمانه ثم باعوه الأحباب=ماعاد أحد يستقبله في قدومه
في وسط داره عايشن مثل الأغراب=نافرته أيامه وعيت ترومه
من بعد ضمه صار كسره فالأعراب=سوات مفجوعن نهض من حلومه
ترى الزمن ثعبان والسم فناب=والسم واجد في عيال العمومه
صار العرب من بينهم ستر وحجاب=كلن بهمه قاضين نص يومه
ماعاد ينفع فالزمن ربع وصحاب=كلن على قده تفصل هدومه
لونبحث الأسباب ماتوجد أسباب=لاكن هاذي قدرة الله وحكومه
أقولها صادق ولاني بكذاب=ومن لامني فالوقت والله ملومه
ويازارع الفتنه من بين الاقراب=أبشر بكيه وافيه ومختومه
ونا ولدجبار والرأس ماشاب=من ظهر عودن ماتراخت عزومه
والله لركيلك مثل شيخ حراب=وكره الفتان في حلو نومه
وزنك ترى عندي مثل وزنة ذباب=ماتتعب الرجال عند المقومه
ويالله على بابك يفتاح الأبواب=تغفر لعبدك ثم ينسى همومه

المشاركة الأصلية كتبت بواسطة مرزوق حمدان العتيبي (المشاركة 1217804) .. . ابو جبار ... صح لسانكـــ

المشاركة الأصلية كتبت بواسطة فايز بن سرحان الثبيتي (المشاركة 1217888) من بعد ضمه صار كسره فالأعراب سوات مفجوعن نهض مـن حلومـه صح لسانك مدد يابن جبار "

المشاركة الأصلية كتبت بواسطة خالد بن مبيريك (المشاركة 1217981) ابن جبار كفوو وصح لساانك تحياتي