قـال الذيابـي بالكـلام الصدوقـي=سمرا منيفـه واق عالـي حجاهـا
انا لبـدع القـاف قلبـي عشوقـي=انظـم القيفـان واعـرف ابناهـا
والدمع من عيني على عرض موقي=احفيـت مابيـن الضمائـر مناهـا
يابريك قوم اشفيت من كل عوقـي=واشفـق لعينـاً نومهـا ماهناهـا
حيثك فهيـم وفالمماشـي طلوقـي=والـدار تعرفهـا ولابـك غواهـا
اركب على للي ماشكت من زهوقي=جدعيـتٍ قطـع الفيافـي منـاهـا
وقم السدس مارقعت عـن افتوقـي=ماهي عضيديـه قصيـره اخطاهـا
العين منها مثـل عيـن السروقـي=ايضاً ولاهي تنقـوي مـن عياهـا
دوفا وبر ماضر بوهـا البصوقـي=ولادارهـا الجمـال يفتـح جماهـا
مرباعهـا مابيـن لاهـه وطوقـي=ترعى نفانيف الزهـر فـى عذاهـا
جاين عليها مـن الثريـا دنوقـي=مزنٍ تحـدر ليـن سيـل فضاهـا
تمد من عمـان وقـت الشروقـي=وليلة ثماناً ضلـع سلمـى قفاهـا
مافوقهـا الا قشهـا والعلـوقـي=وقريبة يبرى الضمـا عنـك ماهـا
سرها وتلقى شيخ من قال روقـي=شيخ الشيوخ اللـي بعيـداً مداهـا
ياشيـخ غيـر ادياركـم مايلوقـي=الله ينسـى ياعمـر مـن نساهـا
متى الخبـر ياتـي بعلـمٍ يشوقـي=يجلي عـن الكبـد العليلـه وباهـا
من عندكـم يامقحميـن العروقـي=ياكاسرة بالكـون شوكـة اعداهـا
اولاد روق معربـيـن العمـوقـي=مزحم ذرا طلحـه وطلحـه ذراهـا
ورجـال برقـا بالمراجـل تفوقـي=برقا عيال العود من سـاس اباهـا
اهل مهارٍ سـرد وحمـات نوقـي=امهارهـم در العشائـر اغـذاهـا
مـازال ابوتركـي بعينـه رموقـي=الشـاه تقـوى ذيبهـا ماقـواهـا

المشاركة الأصلية كتبت بواسطة أبن حشيان (المشاركة 1217127) الله يرحمهم جميعاً اخي محمد والله قصايد الناس الاولين لهاء نكهه خاصه وتستحق الائشادة بهاء الله يعطيك العافيه اشكرك اشكرك ياذيبان تحياتي لك

المشاركة الأصلية كتبت بواسطة عـقـــــــــــاب (المشاركة 1217230) رحمهم الله رحمة وااسعه قل آمين لاهنت يا ذيبان ع النقل تحيتي لاهنت يا ذيبان ع النقل رحمهم الله رحمة وااسعه قل آمين لكن فيه استفسار بسيط يوم يقول مرباعها مابين لاهه وطوقي أين تقع ؟ وهل مخلد الصعاق رحمه الله جالي للاردن ولا كيف؟؟ وشكراً

المشاركة الأصلية كتبت بواسطة فهد العازمي العتيبي (المشاركة 1217788) ... الله يرحمهم جميع وجعلهم في جنات النعيم ولاهنت اخوي محمد الذيابي ،،،

المشاركة الأصلية كتبت بواسطة متعب الند (المشاركة 1219160) محمد صح السانك ..........عفواً صح راسك على الذوق الجزل (ياحلو القصيده) بيض الله وجهك ............