ان ما نـلاوي ذراع الكايده طنـخـه=ولا عفيت الـنـعـاره من طنـاختـها
طيبٍ شهرنا لو انّه طيب مع رضخه=اصـحـا مـن اللي صحاها في وصاختها
اللي من الهم والوسواس منلمخــه=أدنات كلمه على آلاعــيان لـخـتهــا
من خبثك اليوم وجهك مايجي طـخّـه=رديّة السـاس تنــبي خبـث طـخـتهــا
الذيب مهما حصل مايرجع لـ فــخـّـه=حتى الدجاجـه تحاما دون فــرختـهــا
ولا أنـت بالعون ما تدري وش الطبخه=طـيب الاجـاويـد جاء في سر طـبـخـتهـا
تـبقى عــقــول التـصنّـع ذل مـنـفصـخه=حتى الكــرم ما ســتر خـافـي رضاختها
أنـا بـدويٍ حـدانـي الـحـب للـكـشـخــه=روح الـبداوه بدمـّي رغـــم كشختهـــا
للموت سكره وجرح البعد لـه صرخـــه=جـامـل جـروحـٍ تــزايـد فـيك صرختهـــا
أكذب ترى الكذب ضمـّد كل مـنـشلخــه=كم كذبةٍ لا لفــت شـيخــان شاختـهـــا
آذني عن النصح في شرواك مـنصـمخــه=وليا صغت فيك جت الأعصاب وارختهــا

,,