الرجال اليوم .. عزي للرجال =بالمظاهر والاناقه مكتمل
وآكبو عصر التطور والكمال =جاورو في عالم الموضه زحل
عندهم ماعاد للماضي مجال =عآشوآ الحاضر بحاضر منعزل
صنفوا لأجل التشبه بالجمال= خصصوا لأجل المعاكس والغزل
بالوصوف الناعمه شابه نوال = بالتغنفج والدلع شابه أمل
والحكي في رقتـه شابه منال =زايدن عنها شويه في الخجل
بالتمخطر في المشي شابه آمآل = والهوى لاهب سبب له زعل
باللباس أشبه لهم مابه جدال = من معالم هالأنوثه قد كمل
الرجوله عندهم شيئاً يقال = حكمته ( أن العذارى كالرجل )
صابهم بالعقل مايدعى ( الخبال )= مايقيسون المراجل بالعقل
وضعكم ياقوم عيب أنه يقال = حالكم ياقوم ثاير للجدل
أندفعتوا للمهالك لا محال =أنجرفتوا ليـن طحتو في ( الوحل )
أنحرفتوا مامشيتوا بأعتدال = واختلفتو بالمناهج والأصل
نسيو أن العمر قافيه الزوال =المصير القبر من تحت الرمل
أضربوا مليون حسبه للسؤال = يوم لاينفع قريب ولا اهل
يوم لا مالك يفيد ولا العيال = مكسب الأنسان في حسن العمل
يارفيقي رايد العالي تعال = يالاصيل ابن الاصيل ابن البطل
أنت مثل الذيب في روس الطوال = للمعالي والقمم قول وفعل
ويش رايك بالوضع يابن الحلال =رد لي علمك على الطرق الجزل
وآستمع للبيت في آخر مقال = واعتبر هالبيت بيـتـن منفصـل
الرجال أنواع .. بعيون الرجال = والشجيع اللي يبيـن بالفعـل