سلام في حفل الرجال اللي لهم قدر ونصيب=من قوبعين لاحضرها ياجماعه قدها
قالولي الحفله تراها عند ربعك لاتغيب=قلت ارسموني فوق جبهتها واجي في خدها
تلبس عبايتها زعل والاتفرع للحبيب=اجيبها لن قبلت وان صملت في صدها
اجيبها من راس ضلع وللتفت يم الشعيب=امكبله وايدينها تقدر علي تمدها
اعيالها ستة عشر شياب قدام المشيب=وخوانها اثنينه وابوها لاتوانت مدها
والله لوردها يابن خاتم على جم القليب=واني لخليها تبيح لحفل سامي سدها
انا ولد قطنان فالمياقاف ياخالي عطيب=يانعنبو رجلاً يجي فالازمه ماسدها
ياهل الحفل ياطيبكم والطيب طيبن فوق طيب=واكثر عبادالله يجيها طيبها من جدها
وانتم ذخايرشايبن في ماضي الايام ذيب=ابن مزيبد لانوا سود الجبال ايهدها
الطيب فيكم ياهل الوقفات مايحسب غريب=يعيال عوداً لاخذوها القوم قام وردها
يشهد على فعله بعيد الناس قدام القريب=افعول كل الناس من ماض الزمان تعدها
وان قلت اعد ارشيد مافالطيب شك ولاش ريب=ريفن على ربعه وخصمن للعداه وضدها
وانتم بعد مثله كفو وانتم منزحت الحريب=خصيمكم والله ليونسها ويونس حدها
يطيب للي مارضى والا يجعله مايطيب=ماهي بكلمة مدها ثم قال الاخر شدها
هذا الكلام المعتبر هذا الكلام اللي مصيب=هذا الكلام اللي عيون الحاسدين يسدها
ونا حضرت الحفلكم واللي سواتي مايغيب=ماقلت اخذ مني رساله للجماعه ودها

بيت عن مليون بيت


عبدالله بن قطنان


صح السانك مليون ولاهنت

المشاركة الأصلية كتبت بواسطة محمد الذيابي (المشاركة 1216034) صح لسااااااااااانه

المشاركة الأصلية كتبت بواسطة عناد الشيباني (المشاركة 1216049) صح الساااااااااااااااااااااااانك لاهنت