جيت ازف التهنيه شرقا وشامي=لامة الاسلام من شعب وقياده
عادعيدك ياوطن في كل عامي=عادعيد المملكه بالخيرعاده
عادعيدالفطرمن بعد الصيامي=فاز من صام وعلى الله اجتهاده
الله انه يقبل قيام القيامي=من صلاه ومن صيام ومن عباده
والحكم لله ثم لبن الامامي=الزعيم المجتهد يقدح زناده
خادم البيتين له كل احترامي=راعي الاشداديستاهل شداده
دارنا مهبط وحي دار السلامي=ياعساه بخير وسرور وسعاده
العداله منهجه ولامر سامي=مستمدن من مواثيق السياده
فيه دستورا عدون للحرامي=وهجاد اللي يخالف وهجاده
ياكلام الله ماغيرك كلامي=كامل ولافيك لانقص وزياده
من تقيد فيك مرفوع المقامي=القوي الله يرفع في عباده
يحفظ الله من حفظ خمسن تمامي=خمست الاركان خامسه الشهاده
عاد عيدك ياوطن في كل عامي=عاد عيدالمملكه بالخير عاده
غطرفي يا أم الخلاخل والثامي=وانثري وردك على نجد وبلاده

(غطرفي يام الخلاخل والوشامي=وانثري عطرك على جنب الوساده)بيت زرقاوي

المشاركة الأصلية كتبت بواسطة علي الحبابي (المشاركة 1215296) ابومطلق صح الله لسانك وبيض الله وجهك ومن العايدين من الفايزين كل عآم وانتم بخير واعاده الله علينا وعليكم باليمن والمسرات

المشاركة الأصلية كتبت بواسطة عزارم (المشاركة 1215299) صح لسااااااااانك‏‏ من الفايزين و العايدين وكل عااام وانت بخير ومبروك ياطيب

المشاركة الأصلية كتبت بواسطة راعي الزرقا (المشاركة 1215316) صح لسانك مليون ولايسدون يابومطلق تكفى يابومطلق خلني ازيدك من الشعر بيت هههههههه ياخي طروقك تصلح لي (غطرفي يام الخلاخل والوشامي=وانثري عطرك على جنب الوساده)بيت زرقاوي صح لسانك وتقبل مروري مع احلى اتهاني واجمل الاماني (وكل عام وانتم بخير)

المشاركة الأصلية كتبت بواسطة أبن حشيان (المشاركة 1215321) سعد مطلق صح لسانك ومن العايدين الفايزين وكل عام وانت بخير تراني اخذت قصيدة لك ونزلتهاء في منتدايات شعراء قبيلة المراشدة تحياتي لك