|
محاورة مستور العصيمي وفيصل الرياحي رحمه الله ..
عملاقين من عمالقة شعر الرد ..
رحم الله الميت منهم واسكنه فسيح الجنان.. واطال الله في عمر الحي ومتعه بالصحة والعافية .. مـســـتــور الــعـصــيــمـي و فيــصــل الـريـاحــي فيصل الرياحي سلام في ليلـةٍ مـا مثلهـا فالليـال ***يُقطف لها الورد ويخطط لها من سنه الشعر حكمة وينبع من عقول الرجال***قالوا هل الميسرة قلنا هـل الميمنـه مستور العصيمي يا مرحبا يا مسلّم عـدّ وبـل الخيـال***من جاب له سيّةٍ محدٍ عطـاه احسنـه يا فيصل الوقت يمشي مثل مشي الجمال ***واليا لقيت الجمل قود الجمـل برسنـه فيصل الرياحي اعيونها للجنوب وقلبها للشمـال***واللي على بالها نعلم وندري عنه الرجل ما يامن الدنيا على كل حال ***والمشكلة كان جاله باللسان الْسنه مستور العصيمي أحسن لك الشمس والا احسن تجي فالظلال***ترى السبـب منـك يارجـال ماهومنـه ما ينزل السوق غير اللي معه راس مـال*** والبيع والمشترى والربـح مـا يضمنـه فيصل الرياحي أنا ولد شمس ماني ولْد روح وتعال ***وانته رفيقي لكنّ السرّ ما تخزنـه اليا نصبنا علمها فوق روس الجبال ***المستحيلة علينـا ممكنـه ممكنـه مستور العصيمي أنته ولد شمس شمس اللي يعقْد الحبال=لا عـاد فـي تالـي الأيـام تستامنـه احسب حسابك ترى ما يضحك الا الخبال =تفقّد الهرج يا فيصـل وهـات احسنـه فيصل الرياحي بعض البنوك افلستْ ما عاد فيها ريال***لا عاد تفرح على الشجعان هنّ وهنه ياللي تحوّل عروق الكبْد صوب الطحال***دكتور لكـنّ بعـض الدكتـره ملعنـه مستور العصيمي نارد عدود الروى والحبل فوق المحال ***واللي يقفّي من الأصحاب مـا نطعنـه تسأل وان اسأل وجاوبني بقيس السؤال *** واللي يغني نغني لـه بقيـس الحنـه فيصل الرياحي ها شب نارك وحط الوسم فوق الغفال ***والله يعين الكريم بسفرته وصحنـه بيني وبينك مجادل فالحصا والرمـال *** ما باقيَ الا الهدى يبغى لها دركنـه مستور العصيمي تبا تدخّل ولا شفت الك فيها مجـال*** واليا تدخّلـت حطينـاك فالمطحنـه الله يكرم عليكم يـا كـرام السبـال ***امرار تمشي معي وامرار فيك احرنه فيصل الرياحي أراقب اللي نزل واللي يشد الرحال***والمطحنه جالها بين الهنود ادخنه مالي بدالك ولا تلقى بدالي بـدال***لكنك اعقل وخل الجنّ والجنجنـه مستور العصيمي حنا نصلي جماعه وانت خلك لحـال =مسلم واصلّي ولا يوجد عليّ الْعنـه سكّر سموعك ولا تسمع لقيل ٍ وقـال=وان صار منك الخطا تدفع عليه اثمنه فيصل الرياحي با قوّم الثورة الكبرى على الاحتمال ***حتى قلوب الهنود يجي لها دندنـه اليا مشيت ابعدال آبشّرك بالعـدال ***لابدنا نعرف الكحّة مـن الحنحنـه مستور العصيمي يبا يطير الهوى بعمامتك والعقال***ياللي ثلاثين عام تعيش بالمسكنه ياليتها كان ماتت قبل تذخّر عيال***وان عطرت فالها بالعود والمدخنه بانتظار تفاعلكم ومشاركاتكم .. |
بن عاصم لاهنت على نقل المحاورة الأكثر من رائعة
أطال الله عمر أبو تركي ورحم الله أبو بدر |
الله لايهينك ياقاسي وانا اخوك .. واشكرك على طيب مرورك ..
|
يا فيصل الوقت يمشي مثل مشي الجمال ***واليا لقيت الجمل قود الجمـل برسنـه
الله الله اطال الله في عمر ابو تركي كبير شعراء المحاوره واجزلهم ورحم الله فيصل واسكنه فسيح جناته محاوره جزله وابدااع مستور لا يقارن بغيررره بن عاصم لاهنت لاهنت |
الله لايهينك يامرزوق وبارك الله فيك على طيب المرور ..
|
في البداية توقعتهم يتكلمون عن الآخره
ولكن شكلهم معناهم على الطاروق نفسه والله أعلم |
كل عام والجميع بخير
فيصل اليا نصبنا علمها فوق روس الجبال ***المستحيلة علينـا ممكنـه ممكنـه مستور احسب حسابك ترى ما يضحك الا الخبال =تفقّد الهرج يا فيصـل وهـات احسنـه فيصل ياللي تحوّل عروق الكبْد صوب الطحال***دكتور لكـنّ بعـض الدكتـره ملعنـه مستور تسأل وان اسأل وجاوبني بقيس السؤال *** واللي يغني نغني لـه بقيـس الحنـه الله يرحم الرياحي رحمتاً واسعه ومستور مايترك شارده ولا وارده الله يعطيه العافيه مدرسه شعريه |
قيصل
ياللي تحوّل عروق الكبْد صوب الطحال // دكتور لكـنّ بعـض الدكتـره ملعنـه مستور تسأل وان اسأل وجاوبني بقيس السؤال // واللي يغني نغني لـه بقيـس الحنـه فيصل بيني وبينك مجادل فالحصا والرمـال // ما باقيَ الا الهداء يبغى لها دركنـه مستور الله يكرم عليكم يـا كـرام السبـال // أمرار تمشي معي وامرار فيك احرنه عمالقة شعر الرياحي رحمه الله من اكبر واجزل الشعراء والعصيمي اطال الله في عمره اسد المحاورة وفارسها لاهنت يابن عاصم |
فيصل الرياحي
أنا ولد شمس ماني ولْد روح وتعال ***وانته رفيقي لكنّ السرّ ما تخزنـه اليا نصبنا علمها فوق روس الجبال ***المستحيلة علينـا ممكنـه ممكنـه مستور العصيمي أنته ولد شمس شمس اللي يعقْد الحبال=لا عـاد فـي تالـي الأيـام تستامنـه احسب حسابك ترى ما يضحك الا الخبال =تفقّد الهرج يا فيصـل وهـات احسنـه المعنى في هاذين البيتن غامض خصوصاً رد مستور |
| الساعة الآن »06:15 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd