قافً يدرهم في خفايا السراجيـف=وحقً عليه يـوم درهـم ظهـوه
فا الابه اللي ماتبي زود تعريـف=إمعرفـه بأفعالهـا ومخـبـوره
تشهد لها الشلفا ويشهد لها السيف=ويشهد لها اللي طايلاتً اشبـوره
اهل النقا يـوم القـا والمحاذيـف=على قليب المـوت قـومً سبـوره
اهل القنا والخيل والضمر العيـف=واهل السيوف الساطيات البتـوره
اهل القيم واهل الشيم والمواقيـف=واهل القلوب الصاملات الجسـوره
ريف الخوي لون ماللعـدو ريـف=ألا علـى كبـده تزايـد حـروره
من فضل ربي ماعلاهـا تخاليـف=الراس طايل والديـار إمعمـوره
على الشريعه نهجها دون تحريف=أعزها الله وهـي قـومً شكـوره
يالله عسى دهم المزون المراديف=تسقي وطنهم من حقـوقً بكـوره
سلام يا الهيلا عدد بارق الصيـف=وعداد ما نبت الحيا مـن جـذوره

يالله عسـى دهــم الـمـزون المـراديـف=تسـقـي وطـنـهـم مـــن حـقــوقً بـكــوره

المشاركة الأصلية كتبت بواسطة مرزوق حمدان العتيبي (المشاركة 1214578) .. . صح الله لسانكــ مبدع ولا عليك زود يابدر .. تحياتنا ....

المشاركة الأصلية كتبت بواسطة محمد الذيابي (المشاركة 1219759) صح لسانك يابدر والابداع حليفك دوماً تقبل مروري. ,’