انته عصيمي تغطرس تحسبنك عمنا !! بين حبيب ومستور
 

السلام عليكم ورحمة الله وبركاته

محاوره وقعت عيني عليها مصادفه واتمنى من الاخوان يحللونها لنا بداية من ابوفايح ومرورا بسلطان البقمي وباقي الاعضاء .. ماهو المعنى الذي تطرقوا اليه وهل هناك مشاحنه بين حبيب ومستور العصيمي؟ لاني الاحظها من الابيات ومن تعابير الوجه .. هل انا على صواب ام لا ؟ ارجو التوضيح






حبيب العازمي

الليل يامستور يابابور مدري يابحر
والظاهر انك في محل البحر والبابور انا

انت اكبر الشعار في الخبرات والا في العمر
مثل اكبر اللي ماني بقايل ثلاثه في منى


مستور العصيمي

بالهون يابابور قدامك خطر خلفك خطر
عساك تصبح ثم تمسي ياحبيب بالهنا

اظن مالك ياحبيب لانجوم ولاقمر
واللي يدور للعنى يالعازمي يلقى العنا


حبيب العازمي

البرق يبرق في السماء والله يجينا بالمطر
اما يشيلك من هنا والا يشيلك من هنا

ياسيدي صدقني ان الرجل علمنا السحر
والله يعلم نصنا مسحور والا كلنا


مستور العصيمي

ماجايك الا ماكتب لك والختام اقضم حجر
وانا بخير وعافيه والحمدلله والثنا

شغل البنادم مايغلق في سنه والا شهر
والليله اللي جمعتنا ماتجي لي بالمنى


حبيب العازمي

لاوالله الا ولعت لكن رجلك والجمر
انته عصيمي تغطرس تحسبنك عمنا

من عام الاول وانت في صدرك بلاء دوبه ظهر
وان مت يدفنك النفيعي موت منت بهمنا


مستور العصيمي

مامنك امر يالعازمي ماني مدور منك امر
لاحيث دمك ياحبيب مايطابق دمنا

انا ليا مني مشيت الدرب احدد بالنظر
وانته ليا منك مشيت الدرب منت بمثلنا


حبيب العازمي

صدقت دمك مختلف سنة ظهر جن البقر
وان كانت غيرت الفصيله بي زايد قل لنا

الاوله عديتها والمقبلات ادهى وامر
يالله ياربي على بعض العلوم امهل لنا


مستور العصيمي

في ذمتي ماقط جبت الخير يالطير الغبر
مدري حفظت دروسنا والا نسيت دروسنا

في القلب مدري وش دخل والعين داخلها السهر
ماكل نخله ياحبيب ينجني منها جنى


حبيب العازمي

وانته وش اللي جبت لي غير المشاكل والقشر
نبا نضد بك العدا وانته رفيق ضدنا

يابدو ياللي تعشقون المرجله مثل الحضر
الحضر ماقالوا مشاعيب المشاكل عندنا






http://www.youtube.com/watch?v=mpnwHsH7EVw

طاروق قوي ومستور لا يجارى اذا حس بنبرة تحدي أو رغبة شاعر في التطاول والظهور على حسابه
شاعر عملاق بكل ماتعنيه الكلمه وقد لوحظ ان مستور في صيف هذا العام رافقه في أغلب الحفلات تركي 2000 وقد يكون وراء ذلك التقارب سر 00
شكرا متابع على عرض المحاوره

اعتقد انها عام 22 او 23 هجري

يعني لحد هالدرجة مافهمتوا ركيزت المعنى في المحاور000

مستور بصراحة قسى ع حبيب في هالبيتين
مامنك امر يالعازمي ماني مدور منك امر
لاحيث دمك ياحبيب مايطابق دمنا

انا ليا مني مشيت الدرب احدد بالنظر
وانته ليا منك مشيت الدرب منت بمثلنا
البيتين اعلا (يعني منته من عتيبه)

وحبيب ردة جيد لنقض ما يقولة مستور في الانتماء للقبيلة والفزعه والحميا حتى انتهاء الطاروق

يتضح لي والله اعلم ان معنى هذه المحاوره

له ارتباط في شهر ذو الحجه

لان حبيب حدد المكان والزمان في بيت من بيوته

ومن هذا البيت نستطيع ان نقتبس المعنى او نقترب منه