مطلق الثبيتي وملفي المورقي قاف عالمي
 

السلام عليكم ورحمة الله وبركاته
محاورة بين الشاعرين مطلق الثبيتي رحمه الله وملفي المورقي

مطلق الثبيتي

يامرحبا ترحيبةٍ حشمة ومقدار
وليا سمعها ضيفنا يضحك حجاجه
يالمورقي شبيتها بين العرب نار
واظن مالك في لهيب النار حاجة

ملفي المورقي

دام البقاء يامكرمين الضيف والجار
وافين دايم فالقبول وفالمواجة
اذهن تسمع يالثبيتي بعض الأخبار
وليا عرفت الجرح دوّر له علاجه

مطلق الثبيتي

العود الأعوج مايقصونه بمنشار
يلقى رياجيلٍ يعدلون العواجة
ابتاع واشتر كل ماغلين الأسعار
لا تلتفت يمّة فقيه ولا دجاجه

ملفي المورقي

بعض العرب دايم يروغ يمين ويسار
وان كان قضّى أيام ماعكر مزاجه
أنا تراني خابرك حيلي ومكّار
خل الخواجة والمرافق للخواجة

مطلق الثيتي

ترى الحضارم كلهم فالسوق تجار
وانته بديوي سارحٍ فأول نعاجه
يالصاحب اللي صرت بين النّار والغار
قفّل على وارد عراوي في كراجه

ملفي المورقي

المورقي في دار واللي قلت في دار
والحضرمي ممشىٍ معه عيب وسماجة
الطايرة جاها من أهل الشرق طيار
يعجبك في مسراه معها وانعراجه

مطلق الثبيتي

خلك على درب السعد طرقي ومرار
قدام لايقلاك أخو مرّة بصاجه
أخذ مع أهل الغي سجاتٍ ومشوار
لكن لاتقرب من الباشا وتاجه

ملفي المورقي

اللي مهاجر لايعارض درب الأنصار
ويفارق الأصحاب ويذب الزراجة

فعلا مطلق الثبيتي مدرسه مستقله

وملفي شاعر بالفطره والموهبه الحقيقيه الأصيله

رحم الله مطلق واطال عمرملفي

سلمان المرشدي-أبو فايح-منير الروقي-فيصل الجهني
لقد عطرتوا الموضوع كل الشكر والتقدير لكم

رحمة الله على مدرسة الشعر

مطلق بن حميد الثبيتي

و صح لسانه

و صح لسان ابو وااااااااااااااافي

رحمة الله وغفرانه

فقيد الشعر / مطلق الثبيتي



مدرسه شعريه بحد ذاته


وصح لسان ابو وافي



لاهنت يالغالي على الاختيار المميز

الصراحه هذه المحاورة قديمه كانت عند المناصير من الثبته وكنت حاضرها وكان من شعارها مطلق ورشيد وعبدالملك وملفي
وكان القاف اللي اكثر حماسه بين مطلق وملفي موال اخر الليل لا تنسى هذه الملعبه
الله يرحم الميت ويعافي الحي